Zyrës për bashkëpunim dhe marrëdhënie ndërkombëtare të Komunës së Ulqinit i është dorëzuar pllakati “Praktika më e mirë në vetëqeverisjen lokale në Mal të Zi në vitin 2013” për fushën tematike “Përgatitja dhe realizimi i projekteve të financuara nga fondet e BE”.

Programi “Praktika më e mirë në vetëqeverisjen lokale në Mal të Zi”, si pjesë e programit më të gjerë të forcimit të kapaciteteve të administratës lokale të Mal të Zi, e zbaton Bashkësia e komunave të Malit të Zi në bashkëpunim me Ministrinë e punëve të brendshme të Malit të Zi dhe misionit të OSBE – së në Mal të Zi.

Ky është viti i gjashtë me radhë që praktika më e mirë e vetëqeverisjes lokale shqyrtohet dhe shpërblehet. Të pranishmit, në emër të gjitha komunave të shpërblyera i ka përshëndetur kryetari i Komunës së Ulqinit z. Nazif Cungu. Kryetari Cungu theksoj që programi “Praktika më e mirë” përfundimisht e ka arsyetuar objektivin e vet, sepse e ka nxitur frymën e garës dhe konkurrimin ndërmjet komunave dhe me këtë ka krijuar mundësinë që të mësojmë nga njëri tjetri.

Kryetari Cungu veçmas u ndal në rolin e Komunës së Ulqinit në këtë program – “Mua si kryetar i Komunës së Ulqinit shumë më gëzon fakti që edhe ne këtë vit jemi në shoqërinë e më të mirëve. Komuna e Ulqinit për herë të parë konkurroj dhe fitoi shpërblimin. Me këtë është vërtetuar drejtësia e vendimit për formimin e zyrës për marrëdhënie ndërkombëtare dhe projekte dhe se ekipi i ri është i përgatitur për projekte dhe sfida të reja”.

Në emër të organizatorit të ceremonisë solemne të ndarjes së çmimeve, të pranishmëve ju është drejtuar Alyn Roberts, u.d. të shefit të Misionit të OSBE – së në Mal të Zi, Jadranka Vojinoviq, sekretar shtetëror i Ministrisë së punëve të brendshme dhe Refik Bojaxhiq, Sekretar gjeneral i Bashkësisë së komunave të Malit të Zi.

Praktikën e Komunës së ulqinit “THEMELIMI DHE FUNKSIONIMI I ZYRËS PËR BASHKËPUNIM NDËRKOMBËTAR DHE PROJEKTE” e prezantoi Arsllan Hajdinaga, Koordinator i zyrës.