Nika: Athua pse u grabiten arkivat e partive në Anë të Malit..?
ATHUA PSE U GRABITEN ARKIVAT E PARTIVE NË ANË TË MALIT..?
(Reagim në një Shkrim të Nikë Palë Kolës- ish kryetar i LD në MZ në Anë të Malit-Ulqin)
Para disa ditëve duke gjurmuar nëpër do adresa internetit pash se si Nikë Palë Kola, në faqen Malësia ORG, kish spoatuar një shkrim me titull bombastik “Hanë bukën e shqiptarëve, bëjnë punët e sllavëve…”,
ku merrte turr e guxim ashtu si din ai të baltoste gjithë faktoteret tjerë të politikës shqiptare, kuptohet përveç vetes … sepse , “…Nika ishte spec…”
Ai më tej në shkrim vazhdonte me fjalët : “Mendoj se ndër liderë të partive shqipfolëse e të udhëheqësive të ngushta e të gjëra ka më shumë shqipfolës se shqiptarë. Me qenë shqiptarë dmth. me vepruar për të mirën e Kombit, të familjes dhe të vetes, pa dëmtuar të tjerët.
Këto gati njëzet vjetë tranzicioni të shqiptarëve nën Malin e Zi janë kohë e djegur, e shkuar kot sa i përket të fitimit të lirisë, të drejtave qytetare dhe kombëtare të shqiptarëve….” E më poshtë vazhdonte të më akuzojë gjoja edhe mua se kisha nën shkruar që fakullteti i mësuesisë për mësues shqiptarë, të vijë nga Nikshiqi në Podgoricë…. Unë mendoi se për këtë çështje kam sqaruar mjaftë opinionin , vetëm se po shtoj se nuk e ka kërkuar kush me këtë rast nënshkrimin prej nesh, për atë punë siç e thotë ai…?!!. Mirëpo , pasi duket që Nika paska marrë turr, kësaj here duke e quajtur vetën spec..?! Edhe unë po them se ashtu është ai- taman spec, por ama jo djegës. Ai nuk mund të djegë …, të paktën jo mua.
Ç’është e vërteta, ne në Anë të Malit edhe si të rinj, që ishim deri sa ai ish këtu, kemi pasur e ka pasur gjithnjë respekt të ndërsjellë . Madje po them këtu, se e patëm emëruar fillimisht si kryetar i nëndegës së Anës së Malit të Ld-së, mendojmë në kuvendin themelues të saj e më pas edhe kryetar i degës, mirë po nuk mund të rri pa përmendur disa veprime të habitshme deri sa ai ushtronte këto funksione të cilat atëherë , por edhe sot të unë krijonin një dilemë …Kur se pasi lexova shkrimin, ndjeva nevojën të lë anash simpatinë e ndërsjellë dhe po shtoj se ndjej sërish nevojën të kërkoj nga ai një sqarim publik rreth çështjeve të diskutueshme .
Këtë kam të drejtë morale ta kërkoj e ta dëgjoj nga ai sepse mendoj se në këtë situatë vlen parimi që është: kur të ngucësh tjetrin, prit të jesh i ngucur. Unë nuk po them , se duhet ta ngriti këtë reagim në nivelin sa të them“ Gabove Nikë”?!!! Por , dua të them “E teprove Nikë”. E gjithë kjo të obligon, si të thuash që njeriu për pak çaste të gërmojë atje ku ndoshta nuk më takon e mbase dikush edhe nuk e pret , mirëpo çfarë të bësh kur të imponohet …
Kështu zoti Palkola fillimisht do të kishim kërkuar disa sqarime:
E para, kur u larguat nga kryesia e Degës së LD në MZ, për Anë të Malit në mënyrë demonstrative përse nuk e dorëzove, dokumentacionin e degës, si për shembull: librin e procesverbaleve , librin e protokollit, disa xhirime filmike(kaseta) ose më qartë të gjithë arkivin e degës së LD në Mz për Anë të Malit.. A je i vetëdijshëm se çfarë barre ke marrë për të kaluarën e organizimit politik të asaj kohe.?!Nuk besoj që kur kjo të zbulohet , do të gjendët dikush të te thotë për këtë BRRAVO NIKË…?!!! Athua se ku do të jetë vallë ky dokumentacion, ku e keni çuar dhe për se nuk e ktheni aty ku e ka vendin… A thua mos vallë ke ëndërruar se mund ta materializosh edhe këtë duke kërkuar para nga LD-ja…. , ku ta dish ndoshta mund të ketë qenë edhe kjo në pyetje….?! Mjerisht po duket se e tërhoqe deri diku kamën rrëshqanë si thuhet këtu në Anë të Malit, sepse edhe sekretari tjetër i degës që të pasoi në degë kur u prish dhe vendosi të largohej nga partia , gjithashtu doli se na iku me gjithë dokumentacion. …Mirëpo pas disa kohëve kur u qetësua na thanë , se: “ Ka sjellë diçka…”?!! E kjo puna jote kuptohet se nuk është mirë sepse LD-ja , të paktën si e përjetojmë ne, ishte një lëvizje popullore dhe askush nuk ka të drejtë ta grabisë arkivin e organizimit politik në Anë të Malit….Po e përsëris , mjerisht ky veprim i juaji ishte një shembull i keq në këtë trevë që u ndoq sipas praktikës suaj dhe aktualisht prej partive ekzistuese në Anë të Malit i bie që asnjëra nuk e ka të ruajtur arkivin e saj.
Edhe pse nuk është temë për të cilën mund të flitet këtu , po shtoj për opinion që për shembull se komplet dokumentacioni dhe arkivi i PPD-së , përfundoi në garazhë të ish kryetarit të PPD-së , Ali Rexhës dhe pas vërshimeve të dimrit ndodhi që i gjithë arkivi u mbulua me ujë(mbi një metër), duke e shkatërruar tërësisht atë me të gjitha pajisjet teknike dhe inventarin e zyrës. Me që nuk besojmë se pas shpërnguljes suaj për Amerikë ta keni marrë edhe dokumentacionin me vete , uroj që të mos ketë përfunduar edhe ai në ndonjë garazh , ku nëse nuk e ka hy uji me siguri kanë hy mijtë….?!!! Te dy këto raste bashkë me raste tjera në Anë të Malit, mund të jenë një veprim për padi penale ndaj jush me shokë prandaj kthejeni atë sa nuk është vonë.
Sqaroi se edhe vetë kam qenë sekretar i Lidhjes Demokratike, dhe kam pasur në dispozicion të gjithë arkivin e LD- së, dhe kur jam larguar nga LD-ja , e kam dorëzuar të gjithë dokumentacionin dhe as ndër mend nuk më ka shkuar që ta grabis atë….?!!!
E dyta pse e themi këtë…?!
Zoti Palkola, ç do kohë e ka rëndësinë ,veçantinë dhe konfliktualitetin e vetë. Koha kur ju ishit kryetar i degës , për shembull, ka qenë koha më dramatike , për shqiptarët në Mal të Zi e sidomos për trevën e Anës së Malit, e cila ishte bërë për pushtetin e atëhershëm bastion i pa thyeshëm i organizimit të shqiptarëve dhe sinonim i qëndresës politike të shqiptarëve në Mal të Zi. Le të përmendim maltretimet ushtarako policore, për të cilat u fol në kryesi të degës dhe u ruajtën procese të keq trajtimeve , unë vetë për disa gjëra kam mbajtur shënime personale dhe disa i kam publikuar , por kjo nuk mjafton…Ashtu si nuk mjafton ajo pikëpamja e juaj dhe e disa të tjerëve , të cilët mendojnë se te diçka e madhe në këto momente mund të arrihet “ duke rrahur ujë në havan e me sy në tavan”- Mendoj kryesisht në injorimin e ofertës së amerikanëve rreth transferim të fakultetit të mësuesisë nga Nikshiqi në Podgoricë , për çka po më akuzoni . Andaj kujdes se mund të lagësh fytyrës ?!
Pastaj rreth kësaj kohe, kujtojmë krizën e Suturmanit- mobilizimin e dhunshëm , për të cilën punë dega jo vetëm se ka mbajtur dokumentacion dhe procesverbal por pat organizuar edhe një protestë në se ju kujtohet dhe në të cilën atëherë më patët “respektuar “ duke më vënë mua në kryesinë e punës edhe pse isha vetëm njëri nga 11 anëtarët e kryesisë së degës…..Do të ishte me interes të shihet se në këto momente tepër të vështirë dhe të rrezikshme për kohën, të analizohet çfarë u tha dhe kush tha, si foli dhe pse foli e çfarë tha…?!!!
Gjithashtu në këtë kohë, po kujtoj se dega pat iniciuar në mbledhjen e vet edhe çështjen e mundësisë për organizimin e një referendumi rreth Statusit Special për shqiptarët në Mal të Zi. Le të thuhet se mbledhja u thirr nga ju , pas presionit të bërë nga ne, por pa vullnetin e kryesisë së Lidhjes dhe ndoshta edhe të degëve tjera…Mirë po është interesant se ju për çudinë e të gjithëve nuk erdhët në mbledhje . A thua patët punë më të rëndësishme se kjo apo ndoshta patët frikë sepse kishte edhe të tillë. Me gjithë atë edhe pa juve nuk mungoi kuorumi dhe u votua qëndrimi për organizimin e një referendumi i cili dihej se nuk mirëpritej nga shteti dhe paraqiste rrezik. Ai nuk u mbajt sepse nuk mund të ketë referendume të pjesshme.
Andaj në fund ju lutëm , që për gjithë këtë do të ishte më mirë për ju që ta ktheni arkivin e degës. Anamalësit nuk e meritonin dhe nuk e prisnin këtë gjë të paktën jo nga Ju. Jam i bindur që mbi bazën e atij arkivi që ju e morët (dhe s’dihet ku e çuat) do të mund të bëhej një film i rëndësishëm dokumentar për kohën. Në se Ju, vërtetë si thonë Anamalasit në një urti të vetën n nuk e ktheni arkivin: i bie që vërtetë, Ju të jeni film i pa parë…?!!! Mos harro se degët tjera të organizimit politik në Mal të Zi, i kanë të ruajtura arkivet e veta dhe i mbrojnë me xhelozi…?!!!