Publikimi i planeve të veprimit dhe dokumenteve sekrete për rastin e rrëzimit të pushimores K-1
Shkruan Muhamet Nika,
PUBLIKIMI I DILEMAVE DHE DOKUMENTEVE SEKRETE PËR RASTIN E RRËZIMIT TË PUSHIMORES K-1(KOSOVA NJË)- vazhdim (3)
Para se të merremi me publikimin e dokumenteve sekrete të Komitetit Qendror të Partisë, me të cilin u nxor vendimi për dëmtimin e pushimores K-1, pa pëlqimin e palës kosovare, për të cilën është ngritur padi prej 10milion eurove, vlerësojmë të nevojshme që për opinion të shtrojmë edhe disa dilema që kërkojnë përgjigje.
Dilema e parë , që të opinioni kërkon sqarim , është: Athua që politika nacionale –deputetët e Ulqinit, duke reaguar për aferën financiare, të K-1, këtyre ditëve, dëshironin të qitnin në plan të dytë , atë çfarë ndodhë me bllokimin e Xhirollogarisë, për skandalin financiar -Partizanski put, prej 800 mijë eurove, në raport me skandalin K-1.prej 10 milion eurove. Madje nga deputeti Genci Nimanbegu dhe Luigj Shkrela, patëm prononcime edhe për Kriporen e Ulqinit, por jo për Partizanski put?!! Ose , i binte që për këtë t’i gëzoheshin “ bllokimit të Gjekës ..?!!!
Dilema e dytë, është: Athua pse deputetët shqiptarë, po e përkrahin, moszgjidhjen e prokurorit të shtetit që bënë DPS-i, kur edhe SDP-ja , i është bashkuar opozitës rreth çështjes së mos zgjedhjes së tij , duke kërkuar ndërrimin e prokurorit. A mos
thotë kjo që ata, apo ndoshta politikat të cilën deputetët përfaqësojnë nuk i lejon të marrin një hap të tillë radikal dhe si të shpjegohet kjo, kur amerikanë dhe gjermanët, përmes ambasadave në Podgoricë kërkojnë zgjedhjen e prokuror sa më parë.
Dilema e tretë, është: Athua se Serbia dhe Kosova duke , kërkuar dëmshpërblim, nga Mali i Zi, për rastet, fillimisht të kenë paditur Malin e Zi, kurse nëse është kështu , si ishte e mundur që Mali i Zi të nxirrej dhe këtë në dëm të komunës?!
Dilema e katërt, është që, athua se këshilltarët e KK të Ulqinit, mund ta marrin me mend dhe se a u shkon ndër mend , që si është e mundur që trashëgimtari i një firme, ish-komuniste, nga Ulqini- psh., ish Otrant Komerci, në emër të një borxhi që trashëgon ndaj Serbisë dhe Kosovës, me vendim të gjykatave të shteteve të përmendura, mund të bllokonte gjirollogarinë e Beogradit dhe të Prishtinës?! Ndërsa për këtë të mos kollej askush prej kuvendeve të tyre. Tjetër, a thua do të kishin lejuar këshilltarët e këtyre qyteteve që sekretarët për mbrojtjen e pasurisë , për lëndët – me këso shumash, t’i mbronin në gjykata pa vendim politik të kuvendit., kështu si po veprojnë këta tanët…?! Athua se kjo është një guxim i madh i tyre, apo ndoshta, mos njohje e kompetencave të veta, ose injorim i pushtetit kontrollues të kuvendit?!
Ligji parashikon se mbi 30 mijë euro, për përfaqësuesit e komunës, nevojitet pëlqimi politik i kuvendit para gjykatave. Kurse nën 30 mijë euro vendos kryetari i komunës …Nga ana e tjetër, athua se dihet, që për angazhim të mbrojtjes shtesë (të
një avokati tjetër), si në rastet tona, e cila u bë vetëm me vendim të kryetarit të komunës e pa dijen e kuvendit, gjithë është shkelje e rëndë ligjore. Për këtë në një komunë normale do të shkohej në përgjegjësi, sepse lirisht, mund të dyshohej për krim të organizuar…?!!!
Dilema e pestë, dhe e fundit, do të ishte : Athua se mbrojtjet e dobëta të komunës, kanë qenë të qëllimta, me qëllim përfitimi dhe se athua sekretarët për mbrojtjen e pasurisë, duhet të thirrën në përgjegjësi për lëshime profesionale të bëra në proceset gjyqësore në dëm të komunës…
Psikologjia e krimit të fushatës antishqiptare të 81-shit,
Reflekton edhe në pushimoren e Kosovës në Ulqin….
Sa për psikologjinë e krimit që u krye atëherë ndaj Kosovës nga Komiteti Qendror i Partisë dhe atij komunal , shihet se presioni i cili bëhej në këtë kohë ishte presion politik . Duke qenë si i tillë , stafi politik i atëhershëm, i vetëdijshëm për pasojat e mundshme, shihej se nuk kish besë as te sistemi që vetë kish krijuar për ” të ruajtur fshehtas”dëshmitë e fushatës kunder -shqiptare.
Andaj, dokumentet kundër-shqiptare, të kësaj kohe,mbanin shifrën;”Sekret i lartë” dhe ruheshin në kasën e hekurt ,në kabinet të kryetarit të komunës. Kurse çelësat e saj i mbante vetë kryetari… Kështu sot nuk duhet të na habisë fakti që në njërën nga dosjet e shumta të dokumenteve të gjetura,që i kanë shpëtuar djegies, është e shkruar ; “dokumente që nuk janë në
fuqi dhe të cilat duhet djegur “.Mbase kjo bëhej për të fshehur gjurmët ,dhe sepse , komunistët ,druheshin nga hakmarrjet e mundshme të më vonshme?
Pjesë e kësaj fushate antishqiptare, si duket, ka qenë edhe vendimi për rrënimin e Pushimores së Kosovarëve në “K-1” në Ulqin.
Në mes rreshtave, mund të kuptohet që dhënia e lejes për ndërtim të pushimores turistike,nga individë shqiptarë të strukturave udhëheqëse të komunës, u prishte planet strukturave shovene , sepse ardhja e kosovarëve ndërronte dukshëm strukturën e popullsisë në dëm të elementit sllav…??!!!
Në deklaratat me shkrim të kryesisë së komunës , rasti i kësaj pushimoreje cilësohej, si”…Mosrespektim ose çrregullim i dukshëm i Planit Hapësinor”ADRIATIKU I JUGUT”, duke vazhduar me tone kritike , në te , përveç, tjerash lexojmë se, në rastin konkret mos respektimi i Planit(sipas komitetit),krijon mundësi, që nga kjo , të shihet: “….Mos përgjegjësia dhe keqpërdorimet e disa organeve të komunës sonë, të vetëqeverisjes lokale dhe të individëve, të cilët , përtej kompetencave të veta, duke injoruar rolin e funksionit të vet, po dhe kompetencat në lëmine e mbrojtjes së ligjshmërisë: u përcaktuan për një politikë absurde nxorën konkluza alarmante. Nënshkruan dokumente dështuese kapitulluese dhe lëshuan leje dhe vendime politikisht dhe moralisht të dyshimta”…
Andaj kuvendi i Ulqinit, me 31 mars 1982,nxori konkluzë……,” për nxjerrjen jashtë fuqie të çdo akti që ka lidhje me pushimoren, në “K-1”…., si dhe të nisen bisedat për ndarjen e lokacionit të ri, por deri të marrëveshja me palën Kosovare nuk është arritur.
Puna e rrëzimit të tyre nuk u mirëprit nga pala e Kosovës. Në një dokument i cili i dorëzohet sekretarit të komitetit Qendror Të Malit të Zi , zotëri, Vukail Vasiljeviq- sipas marrëveshjes së tij, me kryetarin e Komunës së Ulqinit, i cili për nga funksioni ish edhe kryetar i Këshillit të Sigurimit, z. Miodrag Miroviq, e njoftonte atë me shkrim,rreth përfundimeve dhe konkluzave të Këshillit të sigurimit, të Mbrojtjes Popullore, dhe të Vetëmbrojtjes Shoqërore… Mbledhja ishte mbajtu, më 21 shtator 1982. Nga ajo , mësohet se”..Në mbledhje u bë fjalë për pushimoren K- 1, në Plazh të Madh edhe nga këndi i mbrojtjes dhe të sigurisë(….?! v.j.), të pranishmit u njoftuan se në pajtim me konkluzat e kuvendit…. Kryetari Mishko Miroviq, kish zhvilluar biseda me Imer Pulën, kryetarin e Këshillit Ekzekutiv të KSA të Kosovës, më 21 . 9.1982 dhe se nuk ishte pritur fare mirë atë , për shkak të vendimit rreth ndalimit të punës në K-1, bashkë me informatën e kuvendit të KK Ulqin , më 31 mars të këtij viti … Ai i kish premtuar kryetarit të Sindikatit, Vujakoviqit se do të nisin bisedimet me përfaqësuesit e Ulqinit dhe për këtë ishte ngritur grupi punues në përbërje : Fadil Taipoviq,Miodrag Miroviq, MiliqMijoviq, Ekrem Rresulbegoviq,Jovan Miçetiq, Sulço Mavriq, dhe mbrojtësi i komunës Anto Markiqi.
Në dokument ndryshe thuhej ,se: Duke pasur parasysh që Ekrem Resulbegoviqi nuk ka pasur sukses që në pajtim me konkluzat e Kuvendit të vë kontakt me kryetarin e Sindikatës së Kosovës deri te takimi ende nuk ka ardhur…”
Nga cilësimi i këtij dokumenti si sekret dhe si i rrezikshëm për sigurinë në Ulqin, dëshmon që udhëheqja komunale i ishte dhë panikës. Ky nuk ishte skandali i vetëm që kryhej ndaj sindikatës së Kosovës. Kështu komiteti për urbanizëm i Komunës së Ulqinit, i kish dhënë leje sindikatës së Kosovës, për ndërtimin e bllokut për pushimore të tyre në zonën e urbanizuar të qytetit (me siguri me qëllim)- banesat para komune , të cilin më vonë e shodhi poshtë , duke iu blerë atyre me gjysmë çmimi, dhe duke vendosur në to të punësuar jashtë komunës së Ulqinit – kryesisht policë…?!!
Sipas gjitha gjasave, pritet që ky vendim, nga këndi i tjetër, pas shumë vitesh do të ndikojë negativisht sërish, si proces gjyqësor, në buxhetin e Komunës së Ulqinit, e që nënkupton kompensimin e dëmit të prishjes së kompleksit të Kosovës . Kjo pritet të bëhet ndaj atyre që do të deklarohen dhe dëshmohen si trashëgimtarë juridikë të ish kompleksit para gjykatës.
Në se kjo ndodhë, atë herë pritet që politika të mbajë fjalën e dhënë , mandatin t’ia kthejë popullit. Kurse para shkurtimit të mandatit, për të mbrojtur taksapaguesit ulqinakë, nga krimi i organizuar i plaçkës, do të ishte e nevojshme, të ulë porozët dhe taksat e ndryshme në mënyrë drastike. Sepse nuk ka logjikë, që taksapaguesit ulqinakë, të mbushin xhepat e mafiozëve të shtetit…?!!