Luigj Shkreli dorëheqja e Vuçiniqit, akt personal të cilin nuk duhet komentuar
Spastrimet në PDS, shkak i dorëheqjes së Vuçiniqit
Dorëheqja e Boro Vuçiniq në funksionin e drejtorit të agjencisë për sigurinë nacionale është befasuese, konsideron Partia Social Demokratike raporton portali informativ TVCG.
Deputeti i kësaj partie e anëtarë i Këshillit për mbrojtje dhe siguri Boro Banoviq ka theksuar se ky trup parlamentarë në tërësi i ka përkrah dy raportet e kaluara të paraqitura nga Vuçiniq për punën e agjencisë si dhe për ndryshimet e përgjithshme brenda saj. Shkak për dorëheqjen e drejtorit Vuçiniq janë spastrimet në radhët e PDS sepse agjencia për sigurinë nacionale ka qenë dhe mbetet të jetë organ politikë i kësaj partie, konsideron kryetari i Malit të Zi Pozitiv Darko Pajviq. Largimi i Boro Vuçiniq nga pozita e drejtorit të agjencisë për sigurinë nacionale është rezultat i qërimit të hesapeve ndërmjet klaneve brenda PDS, ka vlerësuar Fronti Demokratik. Ndërkaq deputeti i PDS Luigj Shkreli konsideron se drejtori i deritashëm i agjencisë për sigurinë nacionale Boro Vuçiniq dorëheqjen në këtë funksion e ka dhënë në marrëveshjen me kryeministrin Gjukanoviq dhe ky është akti i tij personal të cilin nuk duhet komentuar.