Përkrahje e SHBA-së për anëtarësim të Malit të Zi në NATO
SHBA pa mëdyshje e përkrahin Malin e Zi, në rrugën e anëtarësimit në NATO , ka kumtuar kryeministri, Millo Gjukanoviq, pas takimit me nënpresidentin e SHBA, Xhozef Bajden, në konferencën për sigurinë në Mynih.
Gjukanoviq, ka theksuar se SHBA kanë mirëkuptim për sfidat që gjenden para Malit të Zi në rrugën integruese, duke shtuar se Mali i Zi, me realizimin e rezultateve do t’ua lehtësojë punën partnerëve dhe në formën më të dëshiruar do të preferohet për anëtarësim në NATO.
Ai, ka shtuar se është i bindur se Mali i Zi, me rezultatet në këto sfera do t’ua lehtësojë punën partnerëve euroatlantik që deri në fund të këtij viti të sjellin vendim pozitiv për të ftuar Malin e Zi në NATO. Sipas fjalëve të tij, në SHBA ekziston vetëdija se për sigurinë evropiane është me rëndësi zgjerimi i NATO-s.
Gjukanoviq, ka përkujtuar se pas samitit në Wells, është kumtuar se Mali i Zi duhet të vazhdojë me reforma në sferat kyçe. Prej mbajtjes së samitit në Kardif, e deri sot kemi bërë progres të madh kur është fjala për sundimin e ligjit përmes zbatimit të ligjeve të miratuara dhe konstituimit të institucioneve e që janë me rëndësi vendimtare për luftën kundër kriminalitetit dhe korrupsionit, ka theksuar Gjukanoviq.
Ai, po ashtu ka shtuar se qeveria në vazhdimësi, punon edhe në rritjen e përkrahjes së opinionit për anëtarësimin në NATO.
RTCG