Përfundon parada e katërt të komunitetit LGBT në Podgoricë + Foto – Video

Sot në kryeqytetin e Malit të Zi para pak çastesh ka përfunduar Parada e Krenarisë. Nën masa të rrepta sigurie, protestuesit kanë valuar flamurin e komunitetit LGBT

Parada e organizuar për vitin e katërt me radhë në Podgoricë, ku sot ka mbledhur rreth 200 pjesëmarrës nga komuniteti LGBT të cilët për rreth një kilometër kanë marshuar rrugëve të Podgoricës.

Në paradën e shoqëruar nga forca të mëdha të sigurisë, nuk është shënuar asnjë incident.

Përveç komunitetit LGBT, në paradën e organizuar nga organizata joqeveritare “ Kvir Montenegro” me moton “Vlera Familjare”, në mesin e turmës ishte edhe Ministri për të Drejtat e Njeriut në Mal të Zi Mehmet Zenka, Ministri për kultur dhe arsim Janko Ljumoviq, Ambasadorja e SHBA-s në Podgoricë zonja Margaret En Ujehara, po ashtu edhe përfaqësues të partive politike, ata të sektorit privat, sektorit civil, të medieve dhe trupit diplomatik.