Nika: Kontrolli i buxheteve 2014 dhe 2015 nga inspektorët pritet të vazhdojë
KONTROLLI I KOMUNËS NGA INSPEKTORËT TË MOS BËHET I NJË ANSHËM- POR TË VAZHDOJË
– Sepse ka pasur kohë kur punohej edhe më keq se sot?!
Qeveria nuk guxon të jetë e një anshme në këto situata. Mos harroni , se ka pasur periudha të abuzimit me buxhet edhe shumë më keq se aktualisht. Ishte koha kur krejt buxheti i një viti, fjala bie, pa u miratuar fare në kuvend , u pat bërë rrush e kumbulla. E për këtë as gjë askujt, shih ai i vitit 2005 ???!!!!! Por kujto edhe 2007-ta , vazhdon të jetë e hapur si çështje në disa segmente.
Kjo ish koha e koalicionit të treshes Nimani- Bardhi dhe Rexha . Këshilltarët e kuvendit për këtë patën iniciuar 10 pyetje për kryetarin Nimani.
Ndërsa ai haptas e midis kuvendit, i injoronte këshilltarët me fjalët , se : “Nuk iu kallëzoj as sot as nesër…., as pasnesër se ku shkuan paratë…”?!
Me këtë , atëherë direkt u njoftua vetë presidenti Vujanoviq- nga PPD. Ndërsa presidenti , pat reaguar fuqishëm përmes kontrollit të shtetit duke përgatitur një raport – akuzë prej 56 faqeve tekst keqpërdorimesh dhe atë ai ia adresoi Kuvendit.
Me këtë veprim ,presidenti , kuptohet se nuk e lidhte fatin e tij me marrëzitë tona, kurse kjo me siguri që vlen edhe sot. Andaj mbase më kot shpresohet në atë “ që jemi të lidhur me ata lartë dhe nuk kanë çfarë të na bëjnë këta poshtë që paguajnë taksa ..”?!!
Por çfarë ngjau pas kësaj me kuvend. Ky i fundit në vend se ta çojë në prokurori materialin e kontrollit të shtetit , ai në vitin 2007 për çudi me pak debatë dhe me do vendime kontroverse e mbylli çështjen …?! Mbase kjo atëherë u bë , me çmim të UDSH-së që të pranoi të shkojë në koalicion me DPS duke lënë jashtë partitë shqiptare bashkë me buxhetin e pa miratuar..?!!
Po tash ti, kush thua paditë?!
Mbase vetë DPS-i. Pra Boro Bashoviqi- kryetar i komisionit për ligjshmëri dhe atij për buxhet..! Sepse ai haptas doli kundër dhe “ i ra që kështu e hëngri me bukë turpin e 2005-sës dhe kuptohet me një gotë verë duke na e bërë hallallë punën njëvjeçare- pa buxhet ?!
Kështu , buxheti i vitit 2005 mbeti i zi , pa u pastruar fare, me futjen e DPS-it në pushtet?! Ose ndoshta me këto kontrolle të fundit në komunë, inspektorët mund të kenë filluar edhe një luftë të fshehtë për pushtet dhe primat politikë të partisë, me një diferencim të heshtur , në të korruptuar dhe të pa korruptuar , punë e cila po bëhet në komunat tjera.