Vendet e Ballkanit zhvillojnë luftë kundër korrupsionit për t’i plotësuar standardet për hyrje në BE, pohoi Transparensi interneshënell

Vendet ballkanike zhvillojnë luftë për ta zvogëluar korrupsionin me qëllim që t’i plotësojnë standardet për hyrje në Bashkimin Evropian, theksohet në raportin e fundit të Transparensi interneshënell për perceptim të korrupsionit.
“Përkundër reformave të rëndësishme dhe nxitjet e jashtme në suaza të procesit parainkuadrues për hyrje në BE, Maqedonia, Kroacia Mali i Zi, Serbia dhe Bosnja e Hercegovina siç duket se nuk e kanë përmirësuar në mënyrë të mjaftueshme konceptin e antikorrupsionit”, theksohet në raport”.
Maqedoni dhe Kroacia tashmë janë vende kandidate për hyrje në BE, ndërsa Mali i Zi, Serbia dhe Bosnja e Hercegovina shpresojnë se së shpejti do ta fitojnë atë status. Ato tani tashmë kanë nënshkruar Marrëveshje për stabilizim dhe asociim, që llogaritet si hap i parë drejt anëtarësimit në Union.
Të gjitha vendet ballkanike kanë arritur nën pesë pikë në shkallën e gjithsej dhjetë pikëve të indeksit për perceptim të korrupsionit të Transparensi interneshënell, që “tregon se shumica e tyre ballafaqohen me nivele serioze të korrupsionit”.
Maqedonia këtë vit ka progres prej 3,6 pikë në Indeksin për perceptim të korrupsionit në krahasim me 3,3 të vitit të kaluar, theksohet në raportin e Transparensi interneshënell.
Kroacia e cila shpreson se do të hyjë në BE në vitin 2010, ka 4,4 pikë të indeksit këtë vit, në krahasim me 4,1 në vitin 2007.
Në Bosnjë e Hercegovinë indeksi është 3,2 në krahasim me 3,3 në vitin 2007, theksohet në raport.
Sipas Transparensi interneshënell, rezultat më pozitiv në rajonin ballkanik ka arritur Shqipëria, duke u përmirësuar nga 2,9 pikë vitin e kaluar në 3,4 pikë të indeksit këtë vit.
Në raport theksohet se lufta kundër korrupsionit në Bullgari, edhe pse ajo është vende anëtare, është në rënie, me 3,6 pikë këtë vit, nga 4,1 pikë në vitin e kaluar.
“Vendi akoma është i kujdesshëm në luftën kundër korrupsionit politik, që është shumë afër i lidhur me shkallë shumë të lartë të krimit të organizuar”, thuhet në raport.
Korrupsioni në Bullgari në dy vitet e kaluara, posaçërisht në jurisprudencë dhe në keqpërdorimin e fondeve të BE-së, seriozisht ka bërë dëm në imazhin ndërkombëtar dhe e ka zvogëluar besimin në institucionet nacionale, thekson Transparensi interneshënell.
Turqia këtë vit ka 4,6 pikë, në krahasim me 4,1 nga viti i kaluar në Indeksin për perceptim të korrupsionit.
Lobi

Nuk dihet kur Pogdorica e Shkupi do ta njohin Kosovën

Njohja e Kosovës nga vendet fqinje, përkatësisht Maqedonia e Mali i Zi, mbetet një prej çështjeve që konsiderohet se është në interes të Kosovës, por aktualisht në Prishtinë nuk ka sinjale të reja nga këto dy vende.
Në Ministrinë e Punëve të Jashtme kanë deklaruar për Radion Evropa e Lirë se nuk presin befasi dhe se Shkupi e Podgorica do ta njohin Kosovën e pavarur.
Zëdhënësja e ministrit të Jashtëm, Albana Beqiri, ka thënë se Qeveria e Kosovës po i vazhdon kontaktet me qeveritë maqedonase dhe atë të Malit të Zi, që vendimi për njohjen e Kosovës të merret sa më shpejt.
“Ne vazhdojmë të qëndrojmë në të njëjtat pozita sa i përket kësaj çështjeje, vazhdojmë t’i kemi të njëjtat sinjale se fqinjët, veçmas Maqedonia dhe Mali i Zi, do ta njohin Kosovën dhe nuk kanë dilema sa i përket këtij procesi. Por, ende definitivisht, ne nuk mund të flasim apo spekulojmë për një datë të saktë”, tha Beqiri.
Ndërkaq, zëdhënësi i presidentit të Kosovës, Fatmir Sejdiu, Xhavit Beqiri ka thënë se vendet fqinje edhe zyrtarisht kanë dërguar sinjale për njohjen e Kosovës, pavarësisht se ato ende nuk e kanë bërë një gjë të tillë. Ai tha se njohjet reciproke dhe raportet e mira ndërfqinjësore janë jo vetëm në interesin e Kosovës, por edhe të vendeve tjera të rajonit.
“Sinjalet kanë ekzistuar edhe më parë, madje ato kanë ardhur edhe nga qarqe zyrtare të këtyre dy vendeve fqinje, dhe ne besojmë që njohja do të ndodhë së shpejti, sepse ajo do të kontribuonte drejtpërdrejtë në stabilitetin e rajonit dhe do të lehtësonte thellimin e bashkëpunimit të mëtejmë në të gjitha fushat mes Kosovës dhe këtyre dy vendeve”, tha Beqiri.
Burimi / Telegrafi

Me rastin e ditës ndërkombëtare të të rinjve,Forca rinore organizon

International Youth Day 2008

Dita ndërkomtare e të rinjve 2008

HYRJA GRATIS

TUZË 2008

Me rastin e ditës ndërkombëtare të të rinjve, këtë vit Forca do fillojë me kremtimin kësaj dite në Tuz.
Kemi përgatitur një Koncert për të rinj në lokalin “Cavalieri” me yjet e muzikës argëtuese ku do marrin pjesë:
Produkt 28, Amanda, Cani dhe DJ Mani. Koncerti do filloje ne ora 21:00.
Jeni të mirëseardhur

Sponsor Gjeneral dhe Organizator.

Forca e Re Demokratike

Cërvenkovski – Vujanoviq: Marrëdhëniet janë shumë të mira

Bashkëpunimi midis Maqedonisë dhe Malit të Zi është i shkëlqyeshëm dhe meritorë për këtë janë marrëdhëniet e mira në të kaluarën dhe aspiratat e njëjta për të ardhmen, tha presidenti Cërvenkovski gjatë vizitës në Malin e Zi.
Ai dhe homologu i tij Filip Vujanoviq biseduan për vendosjen e lidhjeve më të mira të komunikimit midis qytetarëve të të dyja vendeve, sidomos tani në prag të sezonit veror. Aspiratë e përbashkët është vendosja e një linje direkte ajrore midis Shkupit dhe Podgoricës.
“Edhe Maqedonia edhe Mali i Zi kanë aspirata për tuu anëtarësuar në NATO dhe Bashkimin Europian dhe kjo na shtyen në bashkëpunim dhe përkrahje të ndërsjellë, e cila ekzistonte në periudhën e kaluar dhe gjithashtu do të vazhdojë në periudhën e cila vijon”, deklaroi Presidenti i Maqedonisë Branko Cërvenkovski.
Gjatë takimit e pashmangshme ka qenë edhe çështja e Kosovës për të cilën dy presidentët thanë se kanë qëndrime identike. Presidenti malazez tha se para se qeveria në Podgoricë të marrë ndonjë vendim lidhur me Kosovën duhet t’i ketë parasysh interesat e përgjithshme të vendit.
“Mali i Zi kur është në pyetje çështja e Kosovës duhet të ketë parasysh tre dimensione, atë marrëdhëniet e brendshme, marrëdhëniet me Beogradin dhe Prishtinën dhe qëllimet euro-integruese. Mali i Zi duhet të ruaj stabilitetin e brendshëm duke ruajtur marrëdhëniet me shqiptarët dhe serbët që jetojnë në vend, marrëdhënie të mira me Beogradin me të cilin kemi afërsi historike, nevoja aktuale për të vendosur komunikim cilësor me Prishtinën me të cilën duhet të merremi vesh për gjithçka që është në interes të qytetarëve të të dyja vendeve”, theksoi Presidenti i Malit të Zi Filip Vujanoviç.
Përsa i përket skenës së brendshme politike tek ne, Cërvenkovski komentoi letrën që të mërkurën ia dërgoi homologu i tij francez Nikollas Sarkozi. Ai tha se në të kreu i shtetit francez ka mbështetur integrimin e Maqedonisë në NATO dhe në BE, por ka vlerësuar se edhe kontesti që kemi me Greqinë është çështje shumë e rëndësishme që duhet te zgjidhet me qëllim që të mund të realizohen këto aspirata.
Autor / Naim Vrenezi
Burimi / ALSAT

http://www.vimeo.com/603706

Kur do ta njohin Kosovën dy fqinjët e saj Maqedonia dhe Mali i Zi

Fqinjeve nuk u ngutet
Ish - Presidenti Kiro Gligorov lë të kuptohet se Maqedonia mund ta zvarris vendimin duke vlerësuar se politika e Shkupit nuk është e ndikuar nga shtetet e fuqishme.Analisti Dusan Janjic nuk pret që Podgorica ta marrë vendimin para zgjedhjeve të vitit të ardhshëm në Mal të Zi.
Shkupi dhe Podgorica duket se do të kalkulojnë deri në momentet e fundit për të marrë vendimin për njohjen e pavarësisë së Kosovës.Por kur do të jenë momentet e fundit për këto dy shtete, fqinjë të Kosovës, duket se aktualisht askush nuk e di përgjigjen e saktë. Deri më tash, sipas asaj që përflitej jozyrtarisht, këto dy vende do duhej ta kishin marrë vendimin për njohje.
Për Malin e Zi, thuhej se njohja do të vijë diku para sezonit turistik në mënyrë që turistët nga Kosova të vërshonin në bregdetin e këtij shteti, ndërsa në rastin e Maqedonisë fillimisht ishte përmendur çështja e demarkacionit e më pas edhe zgjedhjet dhe formimi i Qeverisë atje. Zyrtarët në Prishtinë, ditëve të fundit kanë deklaruar se presin shpejt vendimin e Podgoricës duke thënë se Kryeministri Thaçi dhe homologu i tij malezez Djukanovic janë në kontakt të përhershëm.E për Maqedoninë, zyrtarë të lartë të Kosovës kanë theksuar se Shkupi tashmë ka marrë vendimin për njohje.
Sidoqoftë autoritetet në Podgoricë kanë thënë se çështja e Kosovës nuk është prioritet i vendit të tyre ndërsa zyrtarë të lartë maqedonë janë mjaftuar duke thënë se Maqedonia ka përkrahur pakon e Ahtisaarit. Asnjëra palë nuk ka dhënë ndonjë afat kur mund ta marrin ndonjë vendim. Por arsyet për mosnjohje nga këto dy shtete duket të jenë më të thella.Ato kryesisht kanë të bëjnë me raportet e këtyre shteteve me Serbinë, por edhe me mungesën e disponimit pozitiv ndaj pavarësisë së Kosovës.
Ish-Presidenti i Maqedonisë Kiro Gligorov thotë se për Shkupin ka një mori arsyesh që të jetë i kujdesshëm rreth vendimit për njohjen e pavarësisë së Kosovës. Në një intervistë për gazetën maqedone “Utrinski Vesnik” Gligorov madje thotë se në rastin e Kosovës Maqedonia ka një qëndrim të saj të cilën nuk e ka ndërtuar duke u udhëhequr nga politikat e shteteve të fuqishme të botës. Gligorov, (91) i cili është Presidenti i parë i Maqedonisë së pavarur (1991 -1999) ka vlerësuar se për këtë vend është e rëndësishme që të ketë të sigurt kufirin verior - edhe në pjesën me Serbinë jugore edhe me Kosovën. Ky politikan maqedon i cili dikur ka mbajtur pozita të larta edhe në shtetin jugosllav ka vërejtje pse njohja e pavarësisë ka ecur me ritëm të shpejtë ndërsa është shprehur edhe kundër saj. Sipas tij Kosova me Rezolutën 1244 është pjesë e Serbisë.
Ndërkaq kur është fjala për Malin e Zi, analisti serb, Dusan Janjic përmend një varg arsyesh pse është duke vonuar njohja. Janjic ka deklaruar për gazetën “Vijesti” të Malit të Zi, se nuk pret që ky vend ta njoh Kosovën para zgjedhjeve të vitit të ardhshëm. Ai megjithatë ka vlerësuar se pas vendimit për njohje, marrëdhëniet diplomatike mes Serbisë dhe Malit të Zi nuk do të ndërpriteshin.
Sipas tij, Mali i Zi ka arsye të brendshme dhe të jashtme për ta njohur relativisht shpejt Kosovën, por po ashtu edhe për ta shtyrë këtë vendim. “Me njohje do ta përshpejtonte partneritetin me ata që sponosrojnë pavarësinë e Kosovës - SHBA,BE NATO, ndërsa njëri nga prioritetet e Malit të Zi është që sa më parë të hyjë në integrimet euroatlantike”,ka thënë Janjic.Një arsye tjetër, në favor të njohjes, sipas tij është edhe komuniteti shqiptar i cili ka qenë pjesë e ndryshimeve në Mal të Zi dhe është meritor për gjendjen aktuale. Ai ka përmendur edhe faktorin ekonomik si interes i Malit të Zi për ta njohur Kosovën.Ndërsa arsye për mosnjohje, sipas Janjic, janë sentimentet e fuqishme të malazezëve, në veçanti të atyre që përkasin në bllokun proserb të cilët mendojnë se pavarësia e Kosovës është e padrejtë “Këtu është edhe ndikimi i Rusisë që është më i madh në ekonomi se sa në politikë, po ku është ekonomia aty është edhe diplomacia.Një arsye tjetër për mosnjohje është edhe fakti se as Bosnja dhe Hercegovina nuk është në situatë që ta marrë këtë vendim”.Ndikimi negativ në Bosnjë e Hercegovinë, sipas Janjic, mund të ndikojë edhe në Mal të Zi, për shkak të kufirit me Republika Srpska. Sidoqoftë Janjic, vlerëson se Mali i Zi ka mekanizma për të ruajtur stabilitetin e brendshëm. Ai po ashtu ka theksuar se nëse Mali i Zi ndjek politikën e Serbisë e cila është koncentruar në bllokimin ndërkombëtar të njohjes së Kosovës, do të ishte vetëvrasëse për këtë shtet.
Autor / Shpend Limoni
Burimi / Gazeta Express

http://www.vimeo.com/603706

Pajaziti: Presim njohjen nga Maqedonia dhe Mali i Zi

Ministri i Brendshëm i Kosovës, Zenun Pajaziti deklaroi për gazetën malazeze “Vijesti” se Kosova pret që të njihet sa më shpejt nga Maqedonia dhe Mali i Zi. “Jemi në pritje të njohjes nga Maqedonia dhe Mali i Zi.
Ky është një interes i drejtpërdrejt i popullit kosovar dhe këtyre vendeve fqinje”- ka deklaruar ministri.
Sipas tij, qëllimi i tyre është që të vendosen sa më shpejt të jetë e mundur marrëdhëniet dypalëshe me të gjitha vendet fqinje.
Deklarara e ministrit kosovar ka ardhur menjëherë pas përfaqësuesit special të misionit të BE-së, Piter Fejt, i cili i ka bërë thirrje Mali të Zi që ta njohë shtetin fqinj të Kosovës.
Autor / Shekulli

http://www.vimeo.com/603706

U Ulcinjskom polju,predviđa se kapacitet džamije od hiljadu klanjača

Poziv za doniranje izgradnje nove džamije u Ulcinju
Odbor IZ-e Ulcinja i Odbor za izgradnju džamije u Ulcinjskom Polju, pokrenuli su akciju prikupljanja sredstava za izgradnju nove džamije u Ulcinjskom Polju.
Obezbijeđen je plac i urađen je projekat, koji predviđa kapacitet džamije od hiljadu klanjača, gasulhanu, biblioteku, salu,kafeteriju, parking i druge prateće sadržaje.
Dobrotvori – zainteresovane institucije, firme i pojedinci, sredstva za ovaj značajan projekat mogu uplatiti na :
Žiro račun:510-12295-15
Detaljnije informacije mogu se dobiti na tel/fax:
Tel :+382 30 413-257
Tel :+382 69 037-681
Tel :+382 69 473-400

Në Ulqin ndërtohet xhami për një mijë faltor

Ka nisur grumbullimi i mjeteve financiare për ndërtimin e xhamisë në Fushë të Ulqinit.Xhamia do të jetë shumë funksionale: 1 mijë vende për falje, vend për mirëmbajtjen dhe pregaditjen e xhenazes (gasulhanja), mejtep, bibliotekë,sallë, kafiteri, vende për parkim etj.
Deri më tash është blerë trolli i xhamisë dhe është punuar projekti ideor.Lusim Allahun Fuqiplotë që çdo ndihmë tuajën ta radhisë në vepra të mira.