Ulqini me hotele komode dhe çmime të lira prej 7€ – 10€
Tel:+382 30 455-073 dhe +382 30 455-080
Sa kushton të shijosh Ulqinin
E vendosur në një pozitë gjeografike fantastike, në qytetin bregdetar të Ulqinit mund të zgjedhësh mes plazheve ranore dhe atyre shkëmbore. I vendosur përgjatë gjirit nga qyteti shpaloset Buna, ndarësi i detit Jon me atë Adriatik. Një pushues ka shumë mundësi zgjedhjeje në Ulqin.
Mund të zgjedhë plazhet apo të shkojë në mal, në freskun e mrekullueshëm të Ulqinit. Çmimet në hotelet e Ulqinit, nuk janë shumë të larta.
Një pushues mund të kalojë një natë ne hotelet e Ulqinit duke paguar mesatarisht nga 25 euro deri në 30 euro per gjysmë pansioni. Hotelet plotësojnë thuajse të gjitha kërkesat e pushuesve. Dhomat janë komode, me kondicioner, televizor, si dhe minibar. Ndërkohë të gjitha hotelet kanë dhe restorantet e tyre, ku serviren llojet e ndryshme të prodhimeve të detit Ulqinak.
Plazhet
Plazhi më popullor i qytetit është vendosur në dalje të tij nga vendi që quhet “Tropikana”. Por një pushues që ka makinë mund të shëtisë edhe më tej, në Bunë larg në plazhet e mrekullueshme buzë Adriatikut sikurse Copakabana,Tony Grill,Safari etj. Edhe Buna që është fshati turistik më i afërt i Ulqinit ka një plazh të mrekullueshëm dhe mjafton të bësh vetëm 10 minuta rrugë me makinë për të parë sa afër je me Natyrë të mrekullushme ku bashkohet uji i detit dhe uji i lumit buna i cili shkon përkrah detit, që në ato anë bëhet uji edhe më blu. Një pushues që vendos të kalojë pushimet në Ulqin e që nuk e duron vapën mund të shkojë të drekojë në restorantet që jan pran detit me një çmim shumë të volitshëm, ku e pret peshku sa që ka dal nga deti ulqinak. Në Ulqin mund t’a themi me plot gojën që gatuhet mrekulli. Në Bunë jan lokale që shumica e njohin si restorantet e Bunes, ku mund të hahet peshk i freskët e fruta deti që mund t’i zgjedhësh vetë sipas dëshirës. Një vend tjetër i preferuar për pushuesit është edhe restorantet në kala te Ulqinit, një kodër që ndodhet thuajse në mes të qytetit e cila të ofron një panoramë të mrekullueshme me pamje ne det.
Jeta e natës
Nëse je pushues në Ulqin ia vlen të bësh një xhiro në mbrëmje në bulevardin kryesor të qytetit. Rreth qëndrës tregtare janë ndërtuar lokale mjaft të mira dhe që popullohen mjaft jo vetëm nga të rinjtë por edhe nga familjarët.Ulqini tashmë e ka rifituar qetësinë dhe të gjithë pushuesit mund të qëndrojnë nëpër lokale deri në orët e para të mëngjesit. Shumica e diskotekave në Ulqin paralajmërojnë se janë për familjarë dhe per te rinj, çka të jep menjëherë një lloj sigurie. “Discoteka Galeb”, është njëra nga diskotekat e ngritura buzë detit ulqinak, diskotekë verore, mjaft e populluar nga të rinj e familjarë. Pak metra larg saj në kodër ndodhet një tjetër diskotekë “Me Pishin” që është sërisht verore por që frekuentohet më shumë nga mosha e re. Po kështu edhe brenda qytetit ka diskoteka e lokale që qëndrojnë deri vonë hapur.