Serbët formuan Kuvendin e tyrë në Kosovë
Dy lidërët ë serbëvë lokal të Kosovës Rada Trajkoviq dhë Oliver Ivanoviq janë deklaruar kundër Kuvendit të Vidovdanit, i cili nuk do zgjidh problemet ë serbëve kosovar.
Në prani të ministrit për Kosovën në Qeverinë e Serbisë Sllobodan Samargjiq serbët e Kosovës kanë formuar të shtunën pasdite Kuvendin e tyre paralele, duke thelluar edhe mëtej ndasitë me shumicën shqiptare.
Dyzetë e tre deputetë të zgjedhur në zgjedhjet e 11 majit që Serbia megjithë kundërshtimin e autoriteve vendore dhe ndërkombëtare, i organizoi edhe brenda territorit të pavarur të Kosovës kanë ngritur dorën për të themeluar këtë mekanizëm paralel dhe për të përmbyllur me të ciklin e krijimit të strukturave paralele komunale në të gjitha enklavat serbe dhe në veri të Kosovës, të kontrolluar nga pjesëtarët e kësaj pakice.
Mbledhja për konstituimin, siç e kanë quajtur serbët, të Kuvendit të Bashkësisë së Komunave të Kosovës dhe Metohisë”, e cila ka filluar rreth orës 16:00 është zhvilluar në një godinë në pjesën veriore të Kosovës, ku krahas ministrit Samarxhiq kanë marrë pjesë edhe zyrtarë të tjerë serbë nga jeta politike, kulturore dhe publike e Serbisë.
Një nga përfaqësuesit e serbëve në veri, Marko Jakshiq, ka thënë se Kuvendi “do të jetë gurë themeltar për mbrojtjen e interesave serbe në Kosovë”.
Kuvendi paralel serb është formuar nga njerëz të afërt dhe lojal të partive nacionaliste serbe, të partisë Radikale dhe partisë së kryeministrit serb në largim Vojisllav Koshtunica, të cilat tani do t’i përkasin opozitës në Beograd. Madje, krijimi i këtij kuvendi paralel nuk ka gjetur as përkrahjen e disa liderëve kryesor të serbëve të Kosovës dhe të një pjese të qytetarëve serb.
“Ai kuvend nuk e ka as fuqinë ligjore as ekzekutive. Ne na duhet përmirësimi i problemeve. Zgjidhja e tyre do të bëhej përmes arritjes së një marrëveshjejmidis serbëve të Kosovës, shtetit të Serbisë dhe shqiptarëve të Kosovës dhe Metohisë, që ata të bien dakord për një jetë të qetë dhe për një ardhmëri të të gjithë të rinjëve që jetojnë në këtë rajon” deklaroi Rada Trajkoviq, Kryetare e Këshillit Nacional Serb.
Edhe lideri i listës serbe për Kosovën Oliver Ivanoviq shprehet fuqishëm kundër krijimit të këtij kuvendi paralel serbë.
“Krijimi i këtij kuvendi nuk paraqet asgjë para se gjithash për shkak se këtë kuvend e përbëjnë partitë opozitare të Serbisë qëllimi i të cilave është t’i dalin përballë Qeverisë së Serbisë, apo qeverisë proevropiane, dhe ky lloji strukture dhe institucioni nuk mund të komunikojë as me institucionet ndërkombëtare në Kosovë, as me shqiptarët e Kosovës dhe është e domosdoshme edhe njëra edhe tjetra, nëse dëshirojmë ta përmirësojmë jetën dhe qëndrimin e serbëve këtu”, tha Oliver Ivanoviq, Kryetar i Listës Serbe për Kosovën.
Krijimi i të ashtuquajturit “Kuvendi i Bashkësisë së Komunave të Kosovës dhe Metohisë”, është dënuar ashpër nga institucionet e Republikës, të cilat e kanë quajtur atë ilegal dhe që ka për qëllim destabilizimin e Kosovës.
Zëvedëskryeministri Ramë Manaj e ka quajtur ilegal dhe të papranushëm krijimin e këtij Kuvendi. Ramaj ka thënë se të gjitha këto janë përpjekje joligjore të serbëve të cilat nuk prodhojnë asnjë efekte juridike, por që sipas tij, u shërbejnë një grupi të caktuar serbësht për të përmbushur synimet e tyre mashtruese ndaj bashkëkombasëve të vet.
Autor / ALSAT-M-TV