Milan Roqen: Mali i Zi do ta johë Koosvën
Shefi i diplomacisë malazeze Milan Roqen paralajmëroi se Mali i Zi do të njohë pavarësinë e Kosovës, duke mos saktësuar se kur qeveria do të marrë një vendim të tillë. Në një intervistë për gazetën “Vijesti”, Roqen ka thënë se çështja e Kosovës bart me vete edhe emocione të caktuara të cilat, siç tha, “në politikë nuk janë aleat më i mirë”. “Cikli i Kosovës është mbyllur… Ky është shekulli 21, ne mund të mendojmë çfarë duam, por ekziston diçka që është fakticitet politik”, theksoi Roqen. Në insistimin e gazetarit se kur do të ndodhë njohja e pavarësisë së Kosovës, ministri malazez tha se në këtë moment nuk mund të përgjigjet as ai, as kushdoqofë tjetër. “Kjo do të ndodhë atëherë kur të vlerësojmë se politikisht kjo është më së miri për Malin e Zi”. Duke komentuar një deklaratë të kryetarit të Kuvendit të Kosovës Jakup Krasniqi se në Kosovë kanë marrë premtimin nga zyrtarët më të lartë malazezë se Podgorica do të marrë vendimin për njohjen e Kosovës, Roqen tha se autoritetet malazeze komunikojnë edhe me Prishtinën edhe me Beogradin, mirëpo siç u shpreh, nuk “janë të detyruar t’i thonë Beogradit se nuk do ta njohim, as Kosovës se duam ta njohim”. “Nuk bëhet fjalë për çfarëdo premtimi. Për ne është interes më i madh që të kemi marrëdhënie më të mira të mdunshme në rajon. Pra, edhe me Serbinë edhe me Kosovën, me të cilët kufizohemi. Mbetemi konsekuentë ndaj politikës së tillë, sepse edhe deri te vendimi parlamentit të Kosovës, vazhdimisht kemi theksuar se është e natyrshme që të kemi marrëdhënie më të mira edhe me Kosovën, pa kurrfarë prejudkimi të statusit të saj”. Roqen i sugjeron Serbisë që të vendosë kontakte me udhëheqjen e Kosovës, sepse sipas tij, “askush nuk mund të garantojë jetën e sigurt të serbëve në Kosovë, as mbrojtjen e monumenteve kulturore historike serbe në Kosovë, siç mund ta bëjnë këtë shqiptarët”. Kjo, tha ai, do të relaksonte situatën në tërë rajonin. “Tekefundit tani dihet se kush e ka mbrojtur Patrikanën e Pejës. Nuk mund të flitet vazhdimisht se “Kosova është Serbi” e nga ana tjetër të kthejë kokën nga shqiptarët që jetojnë në Kosovë.
Burimi / QIK