Turk: Nuk ka presion mbi Malin e Zi për ta njohur Kosovën
Presidenti i Sllovenisë, Danilo Türk ka deklaruar të martën, gjatë vizitës së tij në Mal të Zi, se – Sllovenia nuk është duke bërë presion mbi këtë vend për ta njohur pavarësinë e Kosovës.
“Çështja e Kosovës është çështje për gjithë bashkësinë ndërkombëtare dhe nuk do të ishte e drejtë të kemi pritje të posaçme nga shtetet që janë në fqinjësinë e afërt. Për këtë shkak besoj se Mali i Zi do ta zgjedh vetë momentin dhe mënyrën për një vendim të caktuar, ndërsa besoj se kjo gjë do të respektohet nga bashkësia ndërkombëtare”, ka thënë Turk pas takimi me presidentin malazez, Filip Vujanoviq.
Dy presidentët kanë konstatuar se marrëdhëniet në mes të dy vendeve janë shumë të mira, dhe janë angazhuar për intensifikimin e bashkëpunim ekonomik. Ndërsa sa i përket pavarësisë së Kosovës, ata janë pajtuar se pozicioni i Malit të Zi është “shumë delikat”, dhe kanë shprehur mirëkuptim për qasjen e përgjegjshme që ka pasur Mali i Zi në të kaluarën, thuhet në njoftimin për media të lëshuar pas këtij takimi.
Burimi / Telegrafi