Edona Llalloshi Interviste per “Kosova Sot”

“Nga viti 2009 pres nje sukses ne anen profesionale, sikurse ne vitin 2008. Pres te realizoj nje album me kenge te repertorit tim dhe padyshim edhe videoklipe te reja”, ka thene Edona

Kengetarja jone e estrades, Edona Llalloshi permbylli vitin 2008 me mjaft suksese. Ajo ndjehet e kenaqur me angazhimet e saj dhe fitimet qe i ka sjelle kenga, neper koncerte te shumta qe i ka pasur gjate vitit qe sapo ka kaluar. Suksesin e madh thote qe e ka pasur edhe gjate stines se veres, ku gjate tre muajve te pushimit veror ka qene e angazhuar me kenge ne “Parajse” te Durresit, ne te cilin vend ajo per disa vjet kendon radhazi. Per angazhimet e saj dhe per me shume rreth karrieres se saj flet ne intervisten per “Kosoven Sot”.

“Kosova Sot”: Si e permbyllet vitin 2008?
Edona Llalloshi: Viti 2008 per mua ishte nje vit i suksesshem dhe me shume angazhime ne karrieren time muzikore. Kam pasur suksese te shumta neper koncerte te ndryshme, brenda dhe jashte vendit. Kam realizuar kenge te reja, pastaj realizova nje album me kenge popullore te kenduara “live”. Keto kenge publiku i ka mirepritur shume mire, ngase ne cdo koncert timin te pranishmit kane kerkuar t’i kendoj keto kenge popullore.

“Kosova Sot”: Patet ndonje deshtim gjate vitit 2008?
Edona Llalloshi: Deshtim te madh nuk kam pasur, mirepo une e konsideroj si deshtim edhe mospermbushjen e asaj qe e kam pasur ne plan ta realizoje gjate 2008-s. Kam pasur ne plan te realizoj nje album me kenge te stilit tim, mirepo per shkak te angazhimeve qe i kam pasur me koncerte nuk pata mundesi. Shpresoj qe shume shpejt do te realizoj kete album, qe besoj se do t’u pelqeje te gjitheve.

“Kosova Sot”: Ku dhe si i kaluat festat e fundvitit?
Edona Llalloshi: Me 31 dhjetor, naten e Vitit te Ri, isha ne Zvicer. Kam kaluar shume mire. Ndersa, me daten 1 janar, naten e dyte, kam qene tek “Ura e Gurit” ne hyrje te Vushtrrise. Edhe atje kalova shume mire dhe arrita qe te pranishmeve t’ju sjell atmosfere te mire. Ndersa, per festen e Krishtlindjeve kam qene ne Prage dhe ne Vjene. Kam bere udhetime te shumta gjate fundvitit, mirepo t’ju them sinqerisht se nuk e kam ndier lodhjen, sepse kam qene ne mesin e shume adhuruesve te mi.

“Kosova Sot”: Sa je e kenaqur me fitimet qe t’i solli viti 2008 me koncerte?
Edona Llalloshi: Nuk mund te ankohem, nuk ka qene keq. Natyrisht se kam pasur shume koncerte dhe shume mund, andaj edhe kam fituar dhe jam e kenaqur me fitime.

“Kosova Sot”: Keni nisur angazhime te reja tani ne kete vit te ri?
Edona Llalloshi: Po, jam ne pergatitje te kengeve te reja. Besoj se do te kem sukses edhe gjate ketij viti, do te mundohem qe adhuruesve t’ju sjell kenge sa me te mira. Padyshim se, pervec kengeve te reja, do te kete edhe videoklipe te reja.

“Kosova Sot”: Cfare do te kishit deshiruar t’ju sjelle ky vit qe sapo e filluam?
Edona Llalloshi: Nga viti 2009 pres nje sukses ne anen profesionale, sikurse ne vitin 2008. Pres te realizoj nje album me kenge te repertorit tim dhe padyshim edhe videoklipe te reja.
K.Bajrami
Kosova sot