26/02/09 22:30

Big Brother u ka komunikuar banorëve të shtëpisë se ata duhet të zhvillonin “lojën e shishes”, lojë ku nuk duhet të mungonte asnjë prej tyre. Ata duhet të uleshin në formë rrethi dhe në qendër të tij të vendosnin një shishe. Shishja do të rrotullohej nga të gjithë, me rradhë. Ajo do të shërbentë si një shigjetë, gryka e të cilës do të përcaktonte personin që do të bënte pyetjen, kurse fundi i saj personin që do të përgjigjej. Asnjë prej banorëve nuk mund të refuzonte të përgjigjej gjatë lojës dhe Vëllai i Madh do të vlerësonte me shumë vëmendje sinqeritetin në përgjigjet e tyre. Loja fillonte dhe mbaronte me rënien e gongut. Gjatë lojës banorëve iu desh të pyesnin e t’u përgjigjeshin një sërë pyetjeve mbi dashurinë dhe cfarë do të bënin në emër të saj, puthjen e parë, gjestet më romantike, “armët” e joshjes, tradhëtinë dhe arsyet që i kishin shtyrë në të, dëshira për të patur fëmijë, nofkat e secilit, momenti më i vështirë në jetë, etj, pyetje që nxirrnin në pah karakterin, preferencat apo këndvështrimet e gjithësecilit prej banorëve të shtëpisë.