23/03/09 01:10

“Nuk më pëlqen Lirita jote!”- i ka thënë Arjoni Aidës. Ajo ia ka kthyer se e dinte dhe se ishte shumë e lehtë për ta kuptuar. Sipas Arjonit, Lirita është e padobishme për ta në shtëpi. Ai ka thënë se nëse “zysha” u duhej ende, Lirita apo Mimoza nuk u nevojiteshin më dhe duhet të ishin pikërisht ato që ata duhet të nxirrnin nga shtëpia. Sipas Arjonit, në këtë pikë që kishte arritur loja, ata duhet t’i bënin mirë llogaritë. Aida nuk ka qenë e të njëjtit mendim me të. Ajo i ka kujtuar atij, episodin e mbrëmshëm kur Qetsori sulmoi Liritën. Ajo e ka pyetur Arjonin sesi e mendonte ai faktin që Qetsori iu “hodh” ashtu Liritës, ndërkohë që vetëm një ditë më parë, në një përplasje të ngjashme me “zyshen”, ai kishte “hapur krahun”. Kjo sipas saj do të thoshte diçka dhe ishte pikërisht fakti që “zysha” nuk duhej sulmuar më, sepse kështu do të kthehej në një “VIP” e për më tepër Adelajda, kur sulmohej nga dikush, merrte rolin e viktimës dhe në sytë e publikut, personi që e sulmonte, pavarësisht sa të drejtë kishte, dilte i keqi.