01/04/09 10:50

Arjoni, Dritani dhe Qetsori kanë qenë të parët që janë zgjuar nga meshkujt e shtëpisë ndërsa nga vajzat, Adelajda. Në pritje të zgjimit të banorëve të tjerë nga gjumi, Dritani dhe Arjoni kanë qëndruar në oborr duke biseduar. Arjoni ka komentuar me të, mënyrat qesharake sesi flinte secila prej vajzave, që ky i kishte parë kur kishte hyrë në dhomën e tyre për t’u ndërruar bateritë. Më pas, ata kanë diskutuar se çfarë gënjeshtre mund t’u sajonin banorëve të tjerë, meqë ishte 1 Prilli, dita e gënjeshtrave. Arjoni ka propozuar që sot të gjithë djemtë, mos u flisnin fare vajzave edhe kur t’u flisnin ato. Ata shkuan në dhomën e gjumit për t’ua propozuar këtë edhe djemve të tjerë, që e gjetën idenë shumë interesante.