Performancë me simbole evropiane
Ulqin – Organizata e Shoqërisë Civile “Horizonti i Ri “ shënoi të shtunën me një performancë para Bibliotekës së Qytetit në Ulqin 9 Majin – Ditën e Evropës. Shënimi u bë në kuadër të projektit “Evropa për të gjithë”, të cilin e mbështet Instituti për Shoqëri të Hapur – Përfaqësia në Mal të Zi. Ky aktivitet shënoi përfundimin e programit edukativ mbi integrimet evropiane, dedikuar maturantëve të Ulqinit i cili zgjati dy muaj.
Në performancë morën pjesë qytetarë të shumtë, përfaqësues të institucioneve publike, partive politike, administratës vendore, shoqërisë civile, etj. Pjesëmarrësve iu nda publikimi me titull “Evropa për të gjithë” si dhe materiale të tjera promovuese të përgatitura nga “Horizonti i Ri”.
Të pranishmëve iu drejtuan koordinatori i Organizatës “Horizonti të Ri”, Nazif Veliqi dhe Dritan Abazoviqi, të cilët theksuan se kjo është hera e parë që Dita e Evropës shënohet në Ulqin. Ata shprehën besimin se shënimi i kësaj dite do të bëhet tradicional në të ardhmen.
Në njoftimin për media të Organizatës “Horizonti i Ri” thuhet se projekti “Evropa për të gjithë” zhvillohet për herë të parë në Ulqin.
“Komuniteti lokal pa dyshim ka dhënë një dimension të ri nga aspekti i integrimeve evropiane. Njëkohësisht, edhe të rinjtë që treguan interesim serioz për këtë temë, më lehtë dhe më sigurt do të mund të kontribuojnë në të gjithë procesin nëpër të cilin do të kalojë shoqëria jonë”, thuhet në njoftim.
I.Kallaba
Koha Javore

DITA E EVROPES NE ULQIN

Organizata e Shoqerise Civile “Horizonti i Ri “ ne kuadër te projektit EVROPA PER TE GJITHE, te cilin e mbështete Instituti për Shoqëri te Hapur, organizoi ne Ulqin shenimin e Ditës se Evropës – 9 majit. Ky aktivitet shenoi edhe finalizimin e programit edukativ per integrimet evropiane, dedikuar maturanteve te Ulqniti, i cili zgjati 2 muaj.Vlene te theksohet se nje projekt i tille zhvillohet per here te pare ne Ulqin i cili padyshim komunitetit lokal i ka dhene një dimension të ri nga aspekti i integrimeve evropiane. Njëkohësisht, edhe të rinjtë që treguan interesim serioz për këtë temë, më lehtë dhe më te sigurte do t’mund të kontribuojnë në të gjithë procesin neper te cilin do te kalojë shoqeria jone.

Ne performansin e organizuar per kete dite, moren pjese qytetare te shumte, perfaqesues te institucioneve publike, partive politike, adminsitrates vendore, shoqerise civile, etj. Vlere te posacme ketij aktiviteti publik i dhane edhe botimi i veçante me titull “EVROPA PER TE GJITHE” si dhe materialet e shumta promotive qe HORIZONTI i RI ka pergatitur per kete rast.

Duke e konsideruar procesin e Integrimeve evropiane si një proces në të cilin Mali i Zi tashmë ka hedhur hapa serioz dhe i cili në të ardhmen do të jetë prioriteti kryesor në zhvillimin e përgjithshëm te vendit, konsiderojme se ky projekt ja dhene rezultate te dukshme ne nivel lokal duke dhene edhe nje mesazh te fuqishem se ky mjedis ka qene dhe duhet te jete pjese e familjes se madhe evropiane.

www.ngo-horizonti.org