Këngëtarja Leonora Jakupi ka reaguar në një prej mediave kosovare, lidhur me akuzat që i janë bërë ditëve të fundit për këngën e saj të fundit, që rezulton e njëjtë me atë të këngëtares bullgare Alisia. Në një letër drejtuar një të përditshmeje, Leonora shpjegon gjithë detajet e realizimit të këngës “Ky është fundi”, këngë që ekziston edhe në version bullgar. Sipas Jakupit, kënga i është vjedhur asaj dhe ajo nuk ja ka marrë atë askujt duke theksuar se në gjithë karrierën e saj ajo nuk ka bërë kurrë plagjaturë. Leonora ka thënë se kënga e saj ka dalë në treg më parë se ajo e Alisias, gjë që tregon se ka qenë pikërisht bullgarja që ka vjedhur këngën dhe jo kosovarja.