Së shpejti në Stamboll të Turqisë do të mbahet festivali “Istanbul Music Awards”, që organizohet për nder të krijimit të këtij qyteti, mes shumë yjeve të muzikës turke, pjesmarëse do të jetë edhe ylli shqiptar Genta Ismajli, ku së bashku me Cüneyt Çakim do të prezentojnë këngën e tyre “Sexy”.
Dueti i realizuar me këngëtarin turk Cüneyt Çakim, Genta Ismajlit i sjell një sukses të ri. Edhe pse klipi i këngës akoma nuk është realizuar për shkak të angazhimeve që kanë të dy, kënga po pëlqehet me të madhe në disa vende europiane.
Pos Turqisë, kënga “Sexy” gjendet nëpër toplistat e radiove gjermane, pasi albumi i këngëtarit gjendet në shitje atje, duke ditur që në Gjermani jeton një numër i madh i komunitetit turk. Së shpejti në Stamboll të Turqisë do të mbahet festivali “Istanbul Music Awards”, që organizohet për nder të krijimit të këtij qyteti, mes shumë yjeve të muzikës turke, pjesmarëse do të jetë edhe ylli shqiptar Genta Ismajli, ku së bashku me Cüneyt Çakim do të prezentojnë këngën e tyre “Sexy”.
Në planet e tjera të këngëtares, nga një intervistë radiofonike ajo ka treguar se së bashku me ekipin e saj është duke përzgjedhur këngëtarët me të cilët do të kishte mundësi të realizonte duete. Pas përfoljes se Genta do të realizoj duet me Medën, ajo theksoi se për momentin nuk është në plan, kurse më vonë oferta do të shqyrtohet, ndërkohë tregoi se është duke bashkpunuar me këngëtarin Labinot Tahirin për një këngë duet.
Dhe si befasi për fansat e saj, së shpejti pritet të hidhet në treg kënga më e re e këngëtares në bashkpunim me reperin Noizy. Kënga titullohet “The King and Queen”.

Blerand Rexhepi
Yllpress