Edhe në këtë album kam bashkëpunuar me kompozitorë të njohur shqiptar duke filluar nga Sokoli, Xhevdet Gashi, Naim Krasniqi etj, të cilët i falënderoj me këtë rast për përkushtimin e tyre, punën e bukur që kanë bërë dhe vërtetë jam shumë e kënaqur”, thekson ajo.
Aktiviteti i Gjyste Vulës si duket nuk ka të ndalur. E suksesshme pa fund, albume, klipe të nxehta dhe fotosesione profesionale gjithmonë mund të priten nga këngëtarja. Kemi treguar se është shumë e angazhuar, falë performancave “live” gjë që dëshirohen gjithmonë nga mërgimtarët tanë në diasporë.
Pamja fizike është një plus për Gjysten pasi e ndihmon në paraqitjet skenike dhe depërtimin më të madh në publik, edhe pse tashmë ajo është një këngëtare e afirmuar. Impenjimi momental i këngëtares është përfundimi i albumit të ri, që shënon numrin tetë. “Dy vjet kaluan nga fillimi i përgatitjeve të albumit tim të tetë në radhë, i cili titullohet “Je 1-sh” dhe përmban 15 këngë, 13 këngë janë të reja, tekstet e të cilave si zakonisht i kam shkruar vetë dhe 2 potpuri popullore.
Ky album ka shumë këngë të bukura, stile të ndryshme, 5 këngë besoj do jenë hite të ardhshme, kam shpirtin tim brenda dhe u’a dedikoj fansave të mi”, tregon për “Panorama plus”, këngëtarja Gjyste Vulaj.
Ky projekt i ri i këngëtares shënon edhe një tjetër sukses të saj, qëndrimin në skenën shqiptare për më shumë se një dekadë. “Ky album shënon një dekadë të qëndrimit tim të palëvizshëm në kulminacion të estradës shqiptare. Edhe në këtë album kam bashkëpunuar me kompozitorë të njohur shqiptar duke filluar nga Sokoli, Xhevdet Gashi, Naim Krasniqi etj, të cilët i falënderoj me këtë rast për përkushtimin e tyre, punën e bukur që kanë bërë dhe vërtetë jam shumë e kënaqur”, thekson ajo. Në anën tjetër sigurisht që nuk do të mungojë edhe axhenda për sezonin veror ku do të paraqitet këngëtarja. Deri më tani Gjystja i ka rezervuar datat e koncerteve deri në fund të sezonit.
“Sa i përket anës sime fizike si dhe asaj shpirtërore mund të them që sot jam më e fortë se kurrë. Gjatë muajt korrik dhe gusht do këndoj në terracën e madhe verore në Belveder-Ulqin (plazhi i vogël). Gjatë kësaj kohe do bëj dhe ca koncerte në Durrës dhe në disa qytete të tjera në Kosovë dhe Maqedoni. Jam pregatitur mirë për një fillim të mbarë të sezonit veror.
Zakonisht këndoj “live” dhe për këtë kam bërë një repertor me këngët më të dëgjuara në muzikën shqipe dhe normalisht primare do jenë të gjitha këngët e mia të kënduara deri më sot”, përfundon këngëtarja.

Yllpress