Gëzim Hajdinaga uroi sot nxënësit fillimin e vitit shkollor
Kryetari i Komunës së Ulqinit z.Gëzim Hajdinaga uroi sot nxënësit dhe mësimdhënësit e Komunës sonë me rastin e hapjes së vitit të ri shkollor 2010- 2011
Në mesazhin e Kryetarit ndër të tjera thuhet:
Të dashur nxënës, të dashur prindër, të respektuar mësues,
më lejoni t’ju uroj të gjithë nxënësve, të të gjitha cikleve, e në veçanti atyre që për të parën herë ulen në bankat e shkollës, një vit mësimor të suksesshëm, gjithashtu edhe mësuesve suksese në misionin e tyre të vyer.
Duke u pasuruar me dije, Ulqini mund të prosperojë e të ketë një të ardhme të ndritshme, nëpërmjet arsimit, ne do të jemi pjesë e familjes europiane dhe euroatlantike, ku synojmë dhe aspirojmë të futemi.
Edhe njëherë unë ju uroj nga zemra suksese për vitin e ri shkollor!
Sinqerisht i juaji,
Gëzim Hajdinaga
Municipality of Ulcinj / Ulqin
Arsllan Hajdinaga