Valton Krasniqi, është përsëri “single”. Këtë gjë e vërtetojnë disa miq të tij, të cilët për “Panorama plus” tregojnë lidhjen e këngëtarit me një modele të njohur gjermane, lidhje kjo e cila zgjati vetëm 8 muaj.

“Ka qenë i lidhur me një modele nga Gjermania për disa muaj, tani janë ndarë, për shkak se ajo ka nënshkruar në Nju Jork kontratë dhe Valtoni nuk ka dashur të udhëtojnë atje bashkë, sepse është shumë i lidhur me familjen dhe shoqërinë, e duke mos dashur të largohet edhe nga muzika”, thekson një mik i këngëtarit, duke lënë të kuptohet se tashmë Valtoni është ndarë nga Sandra Jorg dhe është “single”.

Pasi insistuam dhe më shumë, ne morëm disa info të tjera rreth asaj se si dhe ku janë njohur ata.
Janë takuar një një fashion week që është mbajtur në Gjermani, kanë biseduar pak e pastaj më vonë janë takuar dhe kanë këmbyer numrat e celularit.

Në atë kohë Valtoni gjithashtu ka pasur një sfilatë për kompaninë e njohur “Jack & Jones” e pastaj kanë udhëtuar për në Stamboll në realizimin e një photoshooting për të njëjtën kompani, duke qenë në grup me vajzat e kësaj kompanie në mesin e të cilave ishte dhe Sandra, ku aty ka marrë spunto lidhja duke zgjatur 8 muaj.

Valtoni pas përfundimit të këtij photoshooting-u nuk ka dashur të vazhdojë me modelim për shkak të karrierës muzikore, kurse Sandra ka nënshkruar një kontratë për modelim në Nju Jork ku do të qëndrojë atje një vit dhe kështu vendosën që të ndahen”, përfundon rrëfimin miku i këngëtarit.

Vipat.info