Në Ulqin takimi i tretë i Forumit të Albansoferës
Në datat 19 dhe 20 Maj mbahet në Ulqin takimi i tretë i Forumit të Albansoferës. Forumi mbledh ne takime periodike politikanë nga partitë politike shqiptare në rajon. Është një iniciativë e Grupimit G99 në Shqipëri, mbështetur nga Fondacioni Friedrich Ebert.
Në këtë takim fokus është Diaspora Shqiptare. Do të diskutohet diaspora si një resurs zhvillimi, urat lidhëse dhe strukturat institucionale për diasporën, si dhe ndikimi i saj në gjeopolitike dhe shtetformim, me synimin për të parë mundësitë e një qasjeje të koordinuar ndaj diasporës së hapësirave shqiptare.
Partitë e përfaqësuara në takim janë:
Nga Kosova: Partia Demokratike e Kosovës, Lidhja Demokratike e Kosovës, Lëvizja Vetëvendosje, Aleanca për Ardhmërinë e Kosovës, Aleanca Kosova e Re;
Nga Shqipëria: Partia Socialiste, Lëvizja Socialiste për Integrim; Grupimi G99
Nga Maqedonia: Bashkimi Demokratik për Integrim, Partia Demokratike Shqiptare
Nga Mali i Zi: Forca e Re Demokratike, Perspektiva
Nga Lugina e Preshevës: Partia për Veprim Demokratik
I ftuar gjithashtu edhe z. Ibrahim Makolli, Ministër i Diasporës, Kosovë.
INA