Nika: Disa improvizime të panevojshme të kohës në veshjen popullore të Anës së Malit
Pasi ndoqëm me interesim manifestimin gjithë popullor Pranvera në Anë të Malit, si dhe do emisione tjera etnografike dhe folklorike duke hetuar një varg improvizimesh të pa nevojshme që tradita e veshjes nuk i pranon, për te qenë sa më i kapshëm për deformimet e përmendura, po shtrojmë çështjen për trajtim.
Fillimisht për historikun e veshjes me këmishë
Për dijen etnografike shqiptare, vlen parimi , që kostumet popullore në përgjithësi tek shqiptarët, patën një zhvillim dhe ndryshim të madh e tepër të vrullshëm, në pjesën e dytë të shekullit 19. Ndërsa sipas nesh, ky fenomen preku edhe veshjen e trevës së Anës së Malit. Mirëpo, veshja më e vjetër e trevës së Anës së Malit , si duket me gjithë atë, duhet të jetë, pa dyshim, veshja e tipit me këmishë…Gjurmët e kësaj këmishe që sot ndeshët në Anë të Malit , të çojnë, në thellësinë e shekujve deri te “Dalmatika” ilirë. Këmisha më e përafërt që bashkohet me dalmatikën ilire, duhet të jetë ajo që në popull njihet si -kmisha e dekës.
Vërejmë se kjo këmishë, ishte pjesë e pajës së nuseve, te brezi i moshuar, kurse tashti nuk ekziston më …?!!. Këmisha ishte, e punuar në veg , një lloj si këmisha e zakonshme, por prej materiali, pak më të trash dhe për dallim, nuk zbukurohej , me “rruza “të imta , si stoli , rreth grykës . Vërtetohet se ky ishte i vetmi dallim i saj, në raport me këmishën aktuale të veshjes së përditshme.
Kuptohet që këmisha u vishej grave femra me rastin e vdekjes, zakonisht përdorej në rastin e vdekjes së ndonjë gruaje të familjes së burrit …
Ideja e krahasimit të “këmishës së dekës”, me dalmatikën, mund të mbështetet , edhe nga një studim i Ruzhdi Ushakut- studiues nga Ulqini, i cili, duke trajtuar problemin e veshjes më këmishë të një zone të përafërt, me atë të Anës Malit, mendojmë në veshjen e Shestanit, vëren se veshja me këmishë e Shestanit, zbulohet edhe në veshjen e statujës së femrës së Dimalit.
Statuja e Dimalit , sipas tij, bën lidhje me veshjen e Shestanit. Kurse kjo e ofron sipas nesh edhe m përdorim të këmishës në Anë të Malit, në kohë dhe treva të ndryshme në vazhdimsi… Duke e ditur, se rituali i vdekjes , për nga natyra është tabuja më e madhe, vdekja ka ndikuar që këmisha e vdekjes të bëhet pjesë e kësaj tabuje , duke i siguruar asaj gjallërim nga thellësitë e errëta të kohëve.
Si duhet të jetë, veshja e grave e tipit me këmishë dhe vjetërsia e saj ?!
Duke e ditur se trendi i qenies në hap me kohën, aktualisht,nuk i toleron më krijimet naive e joprofesionale, sipas thënies ,“ hajt le të bëhet diç e le të ndodh diçka në kulturë qoftë edhe me lëshime, se nuk është punë e madhe…”, po marrim guximin, për të trajtuar gjendjen si është dhe si duhet të jetë…., sidomos kur është fjala te kultivimi i traditës dhe vlerave në veshjen popullore, në veçanti, por edhe të koncepti i vlerës në përgjithësi.
Thuhet se ideja kryesore, gjatë një aktiviteti kulturor duhet të jetë, demonstrimi i arritjeve më të mëdha të një kolektivi njerëzor në sferën materiale, mendore apo shpirtërore . Në këtë aspekt , shtojmë se, gjatë shekujve, nevojë imediate gjithë herë ka qenë, sigurimi i një “meritumi,” apo “meritokracie intelektuale kulturore” e cila duhej të përkujdesej për mbarëvajtjen sa më organike të procesit të demonstrimit të vlerës kulturore . Dhe pastaj, në fund të demonstrimit kulturor, zakonisht, përmes një note bëhej vlerësimi i asaj që çmohej nga kolektivi, si “ Me kimet kulturor…”
Që këtu pastaj, fillon e nis edhe procesi i diferencimit për shijet e njerëzve, rreth vlerës së re të demonstruar. Vlera e demonstruar, çmohej si vlerë e arritur… ose thjeshtë injorohej nga censura e “Meritumit”, ose censura kolektive.
Është interesant, që gjatë kultivimit të traditës, të përdorimit të veshjeve popullore, në mungesë të një etnografi, etnologu, apo koreografi vendas, sot në Anë të Malit, shohim të paraqiten disa veta , të cilët nuk disponojnë me ata njohuri që duhen nga historiku dhe praktika e veshjes popullore anamalase…
Dhe prapë, po këta, për çudi, bëjnë përpjekje të merren me kultivimin e veshjes popullore.. Për ata që e dinë çështjen, po sjellim një vështrim kritik të situatës për mes një fotografie të kiçit etnografik.
Shih me kujdes fotografinë nga manifestimi Pranvera në Anë të Malit,
Sidomos veshjen me këmishë e pa mbulesë koke dhe bohçe ?!
Nëse analizohen dy nuset që shoqërojnë konferencierën në fotografi nga manifestimi “ Pranëvera në Anë të Malit”/ viti 2013, mund të shtojmë se: pasi kundrohet me më kujdes veshja e tyre, vërejmë, që kemi të bëjmë ,me një kapërcim logjik në të veshur,” nga meritumi”…., e cila nuk i përgjigjet fare realitetit të veshjes së nuseve. Dhe që për mungesë të një parametri të stilizimit, veshja nga fotografia , nuk mund të quhet, as novacion stilistik…?!!
E para: rreth asaj që vërehet në fotografi , duhet të themi që kurrë nuk ka ndodhur dhe nuk ndodh, që nusja nga Ana e Malit të dalë në publik, me këtë lloj veshjeje të kombinuar ashtu si në fotografi , që do të thotë; pa degërmi apo zhyzheh( mbulesa koke)…?!!
Dhe dy: kur nuset “ veshin këmishë të mëndafshit”( ashtu siç quhet në popull), ato kurrë nuk bartnin me këmishë xhamadan të grave ose xhamadan të plakave, ashtu siç paraqiten në fotografi, por xhamadan nusesh
Dhe gjëja e tret:, dalja eventuale e femrave pa bohçe në vende publike po edhe jashtë dhomës së gjumit , ta zëmë edhe në shtëpi të burrit, ka qenë e pamundur, sepse trajtohej si sjellje e turpshme dhe e pamoralshme…. Një kombinim i tillë i veshjes me ”këmishë të mëndafshit” , në flokë e pa bohçe, do të ishte i kuptimtë për rastin në fjalë, vetëm sikur organizatori, të kishte pasur idenë, që të bëjë ironizomin e traditës popullore apo përqeshjen e saj…Brezi i moshuar Ana Malas, kombinime të tilla të veshjes, ngjante t’i bënte nga ndonjë herë vetëm në dasma, me qëllim të përqeshjes së grave të përdala…, zakonisht në rol të femrës së përdalë, vihej një djalë i maskuar ”si femër “, i cili dinte të imitonte femrën e përdalë dhe kështu dispononte të pranishmit. Kjo ka ngjarë në kohët kur dasmat në Anë të Malit, zgjasni 2 ditë e dy net.
Veshja” me këmishë “e nuseve hynë në tipin e veshjeve solemne, dhe ajo mund të ishte e 2 llojeve; për nuse dhe për gra të moshuara ;
Veshja me këmishë, detyrimisht shkonte me” gjysa të gjana(lloj brekësh të gjata) “, që kishin funksion të siguronin gjithsesi pjesët intime të trupit…, kurse në rast e tilla, në kokë vihej njëra nga mbulesat e kokës qoftë zhyzheh( nuset) ose degërmi (gratë) kurse përpara vishej gjithsesi bohçja , po ashtu sipas grup moshës.
Mendojmë se trajtimi i të gjitha këtyre çështjeve, në mënyrë të thukët, nuk mund të bëhet vetëm me studiues shqiptarë , të cilët nuk kanë kryer më herët, ekspedita hulumtuese në terren. Të bazuarit vetëm në ta, mund të krijojë huti , si rasti i. një studiuesi nga Kosova , i cili duke folur, për tipin e veshjes nga Shestani, e ilustron punimin për këtë tip veshjeje, me një tip të veshjes së grave të moshuara të Anës së Malit, e cila gjë, me siguri mund të indinjojë anën tjetër sepse pak ose aspak nuk kanë ngjashmëri.
Duke bërë një shkëputje “të vockël”, jashtë problemit të veshjes, për t’i ndihmuar organizatorit të manifestimit popullor, në të ardhmen “ Pranvera në Anë të Malit”, në mënyrë që të evitohen dhunimet që ngjasin, sqarojmë që, organizatori i manifestimit, lë përshtypjen se harron shpesh herë të cek , “ qëllimisht”, emrin e saktë të vendit të mbajtjes së manifestimi, sidomos kur shprehet, se manifestimi do të organizohet te ” Kalaja e Shasit”….??!!! Ndërsa të gjithë e dimë, se në Shas ka vetëm Kishë…., më duket se, në këtë rast, duke i marrë kishat për kala, nuk veprojmë drejtë dhe si duhet?! Dhe sinqerisht do të dëshiroja që edhe kjo puna “e kalasë” të jetë lajthitje si puna “e këmishës “??!!
Si të mësojmë rrugën duke mos bredhur kot me shembuj praktikë…
Pasi përmendëm, disa ndërhyrje të panevojshme në ruajtjen dhe kultivimin e artit popullor anamalas, cekim se kjo veshje është duke pasur një jetë bukur të fortë aktive. Ajo nuk është duke u harruar, siç ndodh në disa raste , por falë arritjeve të gjeniut popullor dhe industrisë së tekstilit, ajo dita ditës është duke u modernizuar. Gjithashtu, spontanisht , hetohet që është duke u bërë edhe funksionalizimi i saj për herë e më tepër. Vërehet që për momentin, vajzat e kësaj ane, gjatë martesës, pa marrë parasysh përgatitjen shkollore të vetën…, nuk heqin dorë nga tradita e trashëguar e veshjes . Ajo vazhdon të jetë njëra nga stolitë më të rëndësishme që vajza duhet të ketë në “pajë “ gjatë momentit të martesës…..
Si ta konkretizojmë problemin e çoroditjeve në veshje ?
Për të konkretizuar problemin e improvizimeve të panevojshme, duke i ardhur në ndihmë çështjes, do të nevojitej së pari, të bëhej një, përkufizim i nocionit, vlerë në kulturë, dhe vlerë në art.. Ideja është që të bëhet sa më plastike ajo e cila trajtohet si vlerë dhe ajo që trajtohet si kundër vlerë ?!!! Nga ky kënd, për ata që veshjen popullore e takojnë përmes manifestimeve të ndryshme televizive, pohojmë, që sikur ndërhyrjet e pa takt të bëheshin , nga të huajt, me siguri që ndërhyrjet e përmendura nuk do të kalonin pa u kritikuar .
Po veçojmë këtu, edhe një emision të TopCanelit, ku prezantuesi i veshjes nga Ana e Malit që fliste, si tha vetë “Me meritë”,deklaronte për një tip veshjeje të grave nga Ana e Malit,” se është veshje e vajzave të cilën ato vazhdojnë ta veshin edhe kur bëhen nuse.”?!!!
Që vajzat të veshin teshat e grave nuk bënë “vaki “ veç se në ëndërr …Supozojmë që sikur një grua apo nuse, ta bënte këtë, do të trajtohej si e çmendur, dhe do të përjashtohej nga shoqëria.
Por gjatë realizimeve të ndryshme “ Gjoja artistike” , shpesh na takon të shohim edhe kapërcime folklorike ende edhe më të pa shijshme, si ai në dokumentarin e Anës së Malit, ku vërejmë se si një grua e veshur me të bardha”bohçe të bardhë “ që shpreh gjendjen emocionale të zisë”…, këndon , me shoqet e veta ” kangë gruni “ gjatë procesit të korrjes ?!
Duke ndjekur dokumentarin , një i afërm imi , në shpoti tha: “ Qyre edhe kjo ,po duket , ka kjenë diku në dekë, për të shpreh ngushëllime… , dhe tuj u kthy, ka pa shoqet që korrin e që këndojnë…, si duket paska fillu të këndojë edhe vet me shoqe, tuj harru se ku ka kjen”….
Ky fenomen i dhunimit të traditës në veshje që është duke ndodhur në Anë të Malit, vërehet se në veshjet e trevave tjera , nuk është duke ndodhur, mendojmë kryesisht , në veshjen e ” Krajës”, “ Shestanit”,dhe në veshjen e “Bregacoreve- Bregut të Bunës”, por jo atë të qytetit të Ulqinit, të cilat janë duke u kultivuar me fanatizëm. Kurse edhe stilizimet e mundshme të këtyre veshjeve , ç’është e vërteta tepër të rralla, në se bëhen, bëhen vetëm në kuadër të stilizimit të natyrshëm . Në këso rastesh, ata një herë japin , mesazhe të mjaftueshme te vrojtuesit se fjala është për stilizime me mjaft takt.
Veshja e Shestanit ( nga fshatrat e Tivarit dhe të Ulqinit
-Ana e Sipërme e Krajës), një shembull i ruajtjes së traditës
dhe stilizimit me shije.