NIKA: NJË VËSHTRIM PËR ZGHEDHJEN E KËSHILLIT NACIONAL
SHKRUAN : MUHAMET NIKA
NJË VËSHTRIM PËR ZGHEDHJEN E KËSHILLIT NACIONAL
-NGA KËNDI IM
Thuhet se aty nga fundi i botës
Si elektor i Kuvendit të Këshillit Kombëtar të Shqiptarëve në Mal të Zi,për të sqaruar, çështjen rreth zgjedhjes së këshillit dua të shtoj: Thuhet se aty nga fundi i botës, para ç’thurjes totale të qerres nacoionale ,njerëzit nuk do të pëlqejnë fort të marrin këshilla,dhe punëve të mëdha, thuhet që do tu dalin zot, të pa aftët dhe injorantët…( koncepti injorant dhe i pa aftë, në këtë situatë, nuk, bënë të ngatërrohet, me konceptin njeri i mirë – kavalier, ose i ndershëm…)?!
Me sa duket, stina e sprovës së madhe , veç ka filluar edhe për ne shqiptarët në Mal të Zi; emërtimi i disa organeve të larta shtetërore, që zgjidhen nga populli dhe qeveria, si fjala bie, puna e zgjedhjes së Këshillit Nacional Shqiptar, që u bë , më 29, o9. 2oo13, mbase e vërteton këtë….Unë përsëri, për tu mos u ngatërruar, po shtoj, se nuk them, që këta njerëz, nuk bëjnë fare…, por me siguri nuk bëjnë për atë , ku janë zgjedhur. Sigurimi i meritokracisë kombëtare , në fushat e arritjeve më të mëdha të mendimit intelektual- shkencor e kulturor si kriter zgjedhor , mbi bazën e të cilave, bëhet përcaktimi i kombit ,në këso rastesh- sipas praktikës së përgjithshme ,edhe kësaj here , mungoi. Vetë fjala , këshill kombëtar , për ata që dinë shqipen në vete, e nënkupton këtë .
Ajo që ra në sy, pas zgjedhjeve, ishte, kryesimi i listës së elektorëve, me disa emra “ të përgjithshëm”, në vend të atyre të “ përveçëm” që do të duhej të ndodhte ashtu si ndodh kudo me popujt tjerë.
Sipas një praktike botërore, të gjithë emrat e këshillit kombëtar janë pothuajse institucione në vete. Emrave të tyre , zakonisht, u prijnë titujt akademikë dhe shkencor, kurse se pas, u vijnë veprat shkencore me referenca.. Ata , nuk është e thënë të jenë “frajera “ dhe mund të qëndrojnë edhe në shkop.Duke mos dashur ta zgjasim, fjala bie, po cekim, që myslimanët dhe boshnjakët, kur zgjodhën , këshillin e vet kombëtar, u përcaktuan të zgjedhin Sherbo Rastoderin, për të cilin thuhet se paraqet kremin intelektual të hapësirës së tyre në Mal të Zi. Mjerisht, kështu ,nuk vepruan shqiptarët edhe pse dikush mund ta ketë pritur. Krijuesi, Ibrahim Berjashi, që ishte elektor, dhe kandidat për kryesi, pasi e hetoi, taborrizimin brenda partiak të theksuar, dhe bunkerizimin e elektorëve, u kënaq me një përshëndetje, sarkastike, që u bëri krijuesve tjerë, duke u shprehur se edhe kësaj radhe, të themi “GUD BAI KRIJUES,” sepse u pa,puna, që për ta nuk do të kishte vende në bunkerët partiakë.
Mjerisht, emrat e këtyre tanëve,për opinion – për nga ,asociacionet që të krijon në vesh ,dëgjimi i tyre, duke na tërhequr vërejtjen, për mua ishte në e nivelin e atij të Kryetari të Këshillit Nacional të Romëve ,Z.Sait Gashit…?!!
Çfarë nënkuptojmë me fjalën këshill
Duke mos dashur, t’i ikim kuptimit të fjalës këshill-i, për të evituar mos besnikërinë e kuptimit sipas fjalorit të gjuhës shqipe nga ai shkëputëm këto kuptime, këshill -i: 1 . “Organ i pushtetit shtetëror që zgjidhet nga populli dhe qeverisë vendin…2.”Emërtim i disa organeve të larta të pushtetit shtetëror, që kanë fuqi -urdhërdhënës… , deri këtu, çdo gjë na duket e qartë, kurse, fjala , këshillë, sipas fjalorit, ka kuptimin, porosi që i jepet dikujt, për ta ndihmuar ose për ta mësuar si duhet të veproj e të sillet…Gjithashtu, fjala , këshillim-i, nënkupton, rrahjen e përbashkët të mendimeve, për të zgjedhur mirë një çështje – e jo keq…?! Këshillimor, që ka të drejtë të japë këshilla, të bëjë vërejtje, për një punë a çështje që diskutohet…”Nga kjo e fundit , shihet që ai , i cili ka të drejtë të japë këshilla, është parakusht që t’i posedojë vetë këshillat….Nga struktura e përgatitjes profesionale të militantëve partiakë, në kuvend, rezultoi se buka na doli ashtu siç ishte brumi…?!!! Mirëpo pa marrë parasysh këtë, në të ardhmen, këshilli kombëtar, i porsa zgjedhur, do të duhet të punojë, tej mase, për të arsyetuar fitoren e vet dhe humbjen “ me Votën e fshehtë dhe të lirë”, të atyre që njihen si krijues dhe ishin elektorë të kandiduar. Shihet se në strukturën e përgatitjes së vetë profesionale këshilli kombëtar aktual, lë shumë për të dëshiruarën krahasim me të vjetrin…?!!!
Njerëzi inteligjentë dhe intelektualët u ftohën me këshillin kombëtar?!
Gjëja e parë që u hetua nga puna e kuvendit, ishte mungesa e pjesëmarrjes së një numri të konsideruar të elektorëve të mëhershëm ose mos kandidimi i tyre për anëtarë të kryesi së së re. Ndoshta kjo bëhej, si rezultat i zhgënjimit me këshillin paraprak. Thuhet se njerëzit inteligjent, nuk pranojnë të ndjekin deri në fund vijën e partisë. Ata nuk i lejojnë oscilimet e ve të jenë të dëgjueshëm, dhe nuk shtyhen , aq fort , “me brryla për në krye të vendit”,falë përgjegjësisë(përgjegjës), që dinë ta japin, ose skuqen kur atë nuk e kanë. Në të kundërtën, injorantët , edhe kur nuk kanë përgjigje, për veprimin që kryejnë , fare nuk skuqen?! Për këtë edhe dallojnë nga të parët dhe ne , i quajmë të papërgjegjshëm.
.
Kokën e ulur nuk e pret as shpata ?!!
Për tu ikur thashethemeve dhe klaneve të mundshme, që janë të paevitueshmë, por që rrezikojnë, kur bëhen, do të kish qenë e moralshmë, që për kryetar të këshillit kombëtar, të bëhet, njëri nga dy të parët kandidatë, që kryesuan listën, e të cilët gëzun përkrahjen edhe të grupimeve tjera politike. Duket se të parët që kryesuan, janë persona më realë, më socialë dhe si të rinjë , të paktën, kanë pasur sukses, që nga breda bunkerëve partiakë, të ngritën, mbi suprimimet , territoriale , konfesionale etj.Ose sipas kriterit, për krijues, do të bënte Vaide Hasanaga-Nimanbegu.
Mbase , me këtë , veprim, do të zbuteshin , edhe humbësit- „Frajerat e Anës së malit“, siç po i quajnë disa, që pësuan fiasko kolektive edhe pse në kuvend ,u pa të qarkullonin, lisatat me emrat e tyre. Do të kish qenë më mirë për ta,- të fundit ,t’i ulin“ kuburet“, sa më parë, me kundërshtarët e vetë politikë, duke mësuar nga Forca, e cila , një veprim të tillë, e bëri në prag të zgjedhjes , për këshillë, duke i ftuar dhe duke mos i kundërshtuar anëtarët e vet të revoltuar-Kokën e ulur,thonë, nuk e pret as shpata?!! Ose sipas kriterit, qëvlenë për krijues, do të bënte që për kryetare të zgjidhej, Vaide Hasanaga-Nimanbegu.
Me çka duhet të vijë në shprehje Këshilli Kombëtar Shqiptar në Mal të Zi
Fillimisht, kryesia e re, duhet të bëjë seleksionimin e prioriteteve, në se i ka pa sur, këshilli i mëparshëm, për të ruajtur kontiunitetin, dhe të reduktojnë , maksimalisht shpenzimin e mjeteve për ahengje e kjo nënkupton edhe mos financim të atyre projekteve që kanë të bëjnë ta zëmë ,me dasma. Që mos ta bëjmë” krejt dirsëm”. Të shikohet, mundësia, që mbi bazën e dëshmive të seminarit, për Tragjedinë e Tivarit, me njëherë të ngritët çështja në Prokuror për të ndjekur kriminelët. Të shikohet ku ngec puna në kryeministri të Malit të Zi, dhe pse nuk lejohet, mësimi nga abetarja e unifikuar për gjithë shqiptaët; punë kjo, që u lejohet edhe shqiptarëve të Luginës së Preshevës, nën Serbi.
Nga punët e pa nisura, që e presin këshillin, fillimisht duam të veçojmë disa, si: Të organizohen, tryeza të rrumbullakëta, për të gjitha fushat, që lidhën me jetën e shqiptarëve në Mal të Zi. Të formohet si dikaster i veçantë institucional Qendra për Hulumtimet e Kulturës së Shqiptarëve në Mal të Zi; procesin do të duhej ta shoqëronte mendimi akademik i dy kryeqendrave shqiptare dhe ai i Akademisë së Duklës. Urgjentisht dhe pa shtyrje të punohet në unifikimin e qëndrimeve partiake brenda shqiptare rreth statusit final të Komunës së Tuzit. Njëkohësisht dhe urgjentisht duhet të nisin këshillimet për formimin e grupeve të përziera nga ekspertë të komunës së Ulqinit dhe Tuzit rreth përcaktimit të punëve të përbashkëta, të cilat i mundësojnë ligjet aktuale në Mal të Zi, duke filluar nga informimi(televizioni) e pse jo, deri të formimi i një banke me kapital shqiptaro –amerikan e cila do të mbronte ish kapitalin e ndërmarrjeve shtetërore të cilat u privatizuan, por që pasuria e tyre është vënë nën kontroll të bankave si hipotekë- rasti i Kripores së Ulqinit e tj. Të këshillohet komuna, dhe të ndihmohet , për fatin e lëndëve gjyqësore si ai i K-1(Kosovës Një), e cila rëndon 10 milionë euro….Me autoritetin e vet të ndikojë në nivel të dy Kryeministrave Thaçi e Gjukanoviq duke nisur procesin e reciprocitetit. Mendohet në pronën e Malit të Zi të mbetur në Kosovë dhe e kundërta , pas shpërbërjes së ish- Jugosllavisë. Këto punë të përmendura, bashkë me të tjerat, të vihen para kuvendit të elektorëve për të marrë miratimin.
E gjithë kjo të bazohet në Kushtetutën e Malit të Zi , në të cilën garantohet, se: PËR QYTETARËT E MALIT TË ZI VLEJNË LIGJET E VENDIT DHE ATA NDËRKOMBËTARE. KURSE ATA NDËRKOMËTARE KANË PËRPARËSI NDAJ ATYRE TË VENDIT. Vërtetë , po duket, se për ne,shqiptarët, ka filluar -STINA E SPROVËS SË MADHE….?!!!