Si do të jetë skema potenciale e pushtetit të ardhshëm në Ulqin – “U derdh voji ra ndër lakna” ?!!!
Fillimisht, boshti i ardhshëm republikan i pushtetit, DPS-SNP , boshnjakët dhe shqiptarët, me kusht në se shqiptarët, s’mund ta fitojnë destrukcionin e vet, çka është krejt besueshme, atëherë boshti i përmendur, realisht, do të aplikohet në këto zgjedhje lokale në Ulqin.- Kur themi shqiptarët , realisht mendojmë në Udsh-në…
Befasia e këtyre zgjedhjeve, përafërsisht do të jetë kjo: Forca , mund të shënojë rënie , por jo të ndjeshme,dhe s’do të rrezikojë primatin e vet politik. Partia Demokratike, çuditërisht do të përsërisë rezultatin e zgjedhjeve të kaluara, pas rritjes së numrit të votave, jashtë Anës së Malit, e cila pritet të mbulojë ndonjë rënie të vogël atje. SDP, do të shënojë humbje të ndjeshme, kurse “Pozitivna”, nuk do të ketë ndonjë rritje që mund të pritej. Atëherë , enigma e parë që do të zgjidhet, vetë vetiu është puna e kuvendit të ardhshëm, që do të kryesohej nga SNP-ja(kuptohet serbo-malazias). Me këtë ata do të pranonin pozitën e të “Dytit” në pushtet, të refuzuar që në kohën e Bardhit, e cila u ish ofruar, si dhe disa nga pozitat tjera në sektorin publik…?!Kurse enigma e dytë , që ka të bëjë, me kryetarin e komunës, e përsërisim, në se mungon” ujdia”, ndoshta pas përsëritjes së zgjedhjeve dhe rezultatit…, nuk ka dyshim që Millo, s’do të përzihet, në punë të “ Njëshit”. Çdo kush duhet ta heq nga mendja, që kryeministri-shteti, në këtë rast, do të pranojë të sundohet pa anamalas duke përsëritur periudhën nga 81-shi e deri në vitet 90. Ai do të përpiqet, të ruaj autoritetin e vet dhe të çdo njërit kandidat të grupimeve, duke ofruar, si zgjidhje kompromisi, me siguri, ndonjë kandidat të përafërt për grupimet nga ana e biznesmenëve boshnjakë që punojnë në Ulqin dhe që janë të afërt me qarqet e Millos. Të gjithë kësaj , për shtet , do t’i thonë “U derdh voji ra nër lakna”, e “suetat(namuzet) “ e politikanëve lokalë, do të kënaqën duke festuar humbjen si fitore, ashtu, siç e bënë , me rastin e shkurtimit të mandatit të Kuvendit në Ulqin, duke lënë në pushtet “shëndosh si molla” ekzekutivin….”