Tri forca politike të Ulqinit kanë arritur dje marrëveshje për formimin pushtetit lokal.

Forca e Re Demokratike, Koalicioni “Bashkë për të ardhmen e Ulqinit” i përbëre nga Partia Demokratike – Lidhja Demokratike – Lëvizja Perspektiva, dhe partia Mali i Zi Pozitiv do të përbëjnë pushtetin në këtë komunë, e cila si pasojë e mosmarrëveshjeve midis liderëve shqiptarë u detyrua të mbajë zgjedhje të parakohshme, transmeton koha.net.

Për formimin e koalicionit paszgjedhor kanë nënshkruar Nazif Cungu (Forca), Fatmir Gjeka (PD) dhe Dritan Abazoviq (Mali i Zi Pozitiv).
Sipas paralajmërimeve, mbledhja e Kuvendit Komunal do të mbahet gjatë kësaj jave, me ç’rast do të zgjidhen kryetari i Kuvendit dhe kryetari i ri i Komunës.

Sipas marrëveshjes postin e kryetarit të Komunës do ta ushtrojë Fatmir Gjeka (në foto Fatmir Gjeka, Dritan Abazoviq dhe Nazif Cungu).

Funksionimi i qeverisjes lokale dhe ndarja e kompetencave në komunen e Ulqinit

1. Koalicionit “Së bashku për të ardhmen e Ulqinit”

• Kryetari i komunës së Ulqinit
• Sekretariati për ekonomi
• Policia komunale
• Veprimtaritë shoqërore
• Ujësjellësi
• NP per kultivim
• Mbrojtja dhe gjuatja e egersirave‏
• Shërbimi për mbrojtje
• Organizata turistike e Ulqinit

2. Forca e re demokratike

• Kryetari i kuvendit të Ulqinit
• Nënkryetari i komunës
• Sekretariati për financa
• Sekretariati për punë komunale
• Urbanizmi
• Sekretaiati për mbrojtjen e pasurisë komunale
• Qendra për kulturë
• NP Pastërtia

 

3. Mali i Zi Pozitiv

• Nënkryetar të komunës
• Menaxher
• Ndërmarrjet publike