Nika: Ulqinakët në luftë për hapësirë – (I)
Rrënimi i Kripores dhe vendimi i Kuvendit të Komunës së Ulqinit për ta ndaluar atë
Këtyre ditëve, zhvilloi punimet kuvendi i jashtëzakonshëm i Komunës së Ulqinit për të penguar fikjen përfundimtare të Kripores . Kush e shikoi prej anash kuvendin, nuk e pati të vështirë ta hetojë se në “ emër të popullit dhe të punëtorëve…” aty ishin mbledhur njerëz të ndryshëm me qëllime të ndryshme. Të parët ishin ata që vërtetë me sinqeritetin e tyre, u vinte keq për çfarë ndodhi me privatizimin e saj. Të fundi(në fakt të parët) ishin ata të cilët sikur aludonin që përmes vendimeve të kuvendit nesër të merrnin mundësisht edhe nga një copë të sajën. Andaj u nxorën shpejt e shpejt do konkluza, me të cilat “ Në mënyrë të jahtëzskonshme” ngarkonin ekzekutivin e komunës edhe materialisht në favor të një firmës private! Kuptohet që ligji aktual e ndalon rreptësisht, punën e shlyerjes së borxheve të një kompanie private nga buxheti i një institucioni publik qoftë edhe me vendim të kuvendit të atij institucionit. Ndoshta kjo ishte arsyeja, që pas pikës së rendit të ditës së propozuar nuk qëndroi si përpunues as njëri nga sekretariatet e pushtetit që u takon. Andaj është pyetje në vete në se kryetari i komunës , do të “guxojë” të shkel ligjin sepse , qenka zbuluar një interes tepër i lartë… Çështja e ndihmesës
materiale duket se është fare utopike, kur dihet që edhe vetë sektori i pushtetit lokal ka një humbje jo më pak se 3miljonë eurosh dhe sipas ligjit veç ka hyrë në zonën për futjen e masave të dhunshme…?!!! Thjeshtë , nëse ekzekutivi më parë pat bërë pagesa për shlyerje detyrimesh duke u ujdis “në emër të një interesi të lartë” me përfaqësuesit e ish-sektorit shoqëror të privatizuar duke i siguruar atij “benefite” ty ndryshme, atëherë ka përgjegjësi ligjore. Ky sektor, në raport me pjesën tjetër të sektorit privat para institucioneve shtetërore është tërësisht i barabartë.. Koha , kur siç thuhet që ish ndërmarrjeve komuniste të privatizuara, “u hante shaka petulla”, me ligj moti ka perënduar…???!!!!!!
Duke ndjekur për gjatë tërë kohës, opsionet politike kisha përshtypjen që palët e interesuara të cilat i bie të jenë në këtë situatë, qeveria dhe biznesi Ulqinak sikur demonstronin karshi njëra tjetrës forcën e vet në prag të agonisë së ndërmarrjes. Dhe përsëri, sikur biznesi kërcënonte me fjalët, unë të çoj në këmbë punëtorët, me gjithë sektorin civil dhe tërë Evropën po më përjashtove në proces të falimentimit ashtu si ma bëre dikur me “hotelskon”…?!!! Kurse qeveria, sikur cekte : hajt se u njoh unë juve, që nuk keni ku shkoni sepse u rrethoj me ligje dhe plane urbanistike?!!! Me gjithë atë i gjithë ky konfrontim shihet se ka krijuar barrierë biznesi dhe është duke trembur investitorët e huaj dhe po u kushton vetë ulqinakëve. Deri sa biznesi ulqinak të shtyhet me shtet në emër të kuvendit komunal, se në cilën zonë të qytetit, duhet të investohet, aty ku prona është e shtetit
apo aty ku ajo është e biznesit , kuptohet se edhe ato pakë investitorë të huaj do të shkojnë në qytetet tjera të republikës?!
Parodia e agonisë nga Poli i Tretë
Që agonia e ndërmarrjes po përjetonte çastet e saja tragjike në këtë mbledhje të kuvendit, duke i ngjarë atij që jep frymë u pa që në diskutimet e startit.
“Patriotat e çështjes”, gjatë debatit , të dukej sikur shtronin çështjen, duke kërkuar “Sylyzin” e të sëmurit( Kripores…), ende pa vdekur- dhe përmendnin obligimet që dalin nga mos pagesa me vite e tatimit të shfrytëzimit të tokës, që po le pa paguar ajo ndaj komunës. Mirëpo këtë( punën e sylyzit) , u hetua se nuk e parapëlqente fort biznesi, dhe këta që kanë mendim”pozitiv” për shoqërinë?! “Pozitivët” arsyetonin me çështjen e pa arsyeshme për mospagesë të “sylyzit”, sepse sipas tyre pagesa e tatimit në tokë përligjte gjoja legjitimitetn pas vdekjes së pronarit… E kësaj i thonë ” t’ia mshom Katunarit” për tatim toke…?!! Ndoshta nuk e menduan kaq thellë, por prapë si dihet, mbase mendonin në heshtje që ky borxh po qe se nuk kërkohet, nesër mund të llogarite i falur… Sipas bindjes dhe përvojës , shkopi gjithherë ka dy anë dhe varët në cilën anë e kap..Në se e rrokë gabim u sos puna. Le të kujtojmë borxhin që pagoi para dy viteve komuna ndaj ish- Otrant Komercit të ndjerë, prej 200mijë eurosh. Mendojmë për atë, kur trashëgimtari i Otrantit(me të njëjtin emër),zbuloi një testament borxhi, i cili e obligonte komunën për shlyerjen e tij . Ai u pagua edhe pse Otranti der sa ish gjallë, nuk pagoi asnjëherë
borxhet ndaj komunës, për objektet e veta që kish në zonat më atraktive të saja. Dhe për çudi, askush nga komuna nuk u kujtua të reagojë ndaj gjykatës me shkrim, përveç se u kënaqën me një konferencë shtypi. Praktika e tregtisë, thotë, që ai i cili jep shpirt nuk duhet të trashëgohet me borxhe ndaj të tjerëve,e borxhet ndaj tij janë të mirë se ardhura si në rastin konkret. Sepse edhe nëse e blen dhe më pas e shet, atë që blenë, kurse më pas zbulohen borxhet që ia kishin të ndjerit, kjo nuk të përjashton të marrësh hise nga testamenti i zbuluar që sipas ligjit hisja të takon.
Nga kjo mund të kuptohet e të përfundohet, një gjë, të cilën doemos duhet ta dinë të gjithë ata që ishin të tubuar dje në kuvend e nuk e dinin.
NJË GJË PE RËNDIA IA KA NDALUAR EDHE VETËS, QË KOHËN TA KËTHEJ MBRAPSHTË- THOTË AKINOI, KURSE PROFETI , SE : KOH A ËSHTË SHPATË, NËSE TI NUK E PRET, TË PRET AJO TY ?!
Për shqiptarët në Ulqin shpata e kohës së Kripores , bashkë me do shpata tjera moti ka kohë që e goditi Ulqinin , dhe në vend që ne ta prisnim , na preu ajo ne….?!!!