Grabitësit akoma të panjohur kanë vjedhur me dhjetëra kapanxhë ( shahte për kanalizim) në Bulevardin Teuta në të cilët derdhet uji, shkruan gazeta “Dan”.

Siç thuhet, mbasi që bëhet fjalë për rrugën më frekuente e cila çon prej qytetit kah Plazhi i madh dhe anasjelltas, është çështje ditësh kur mund të ndodh ndonjë tragjedi.

Në qeverisjen lokale thonë që janë të njoftuar me këtë problem dhe paralajmërojnë që do ta zgjidhin në afat sa më të shkurtër, derisa njëkohësisht apelohen shoferët dhe kalimtarit që të jenë të kujdesshëm.

Sipas informatave jozyrtare, kapanxhë ( shahte për kanalizim) që mbulojnë vendet ku kullon uji i marrin personat të cilët merren me shitjen e hekurit të vjetër. Ato këtë gjë e bëjnë në orët e vona të natës kur komunikacioni ka intensitet më të ultë, shton kjo gazetë, raporton Ul.info.