Osman Subashiq zgjidhet kryetar i kuvendit komunal te Tivarit
Komuna e Tivarit për herë të parë zgjedh për kryetar një shqiptar. Osman Subashiq (61) është zgjedhur kryetar i Kuvendit Komunal të Tivarit në mbledhjen konstitutive të mbajtur dje.
Subashi, kandidat i Partisë Social Demokrate (SDP) ka marrë votat e 21 këshilltarëve ndërsa 14 ishin kundër e dy abstenuan .
Subashi ka mbajtur funksionin e nënkryetarit të komunës së Tivarit dhe është anëtar i këshillit qendror i Partisë Social demokrate, kryetar i së cilës është Ranko Krivokapiq.
Subashi është i lindur në vitin 1953 në Bobosht, në Krajë, krahinë buzë Liqenit të Shkodrës, e banuar tërësisht me shqiptarë, që bën pjesë në komunë të Tivarit.
Ai është jurist dhe Fakultetin juridik e ka kryer në Prishtinë. Në vitet e 80-ta ishte drejtor juridik në ndërmarrjen “Rumia-trans” e pastaj vite me radhë sekretar i sekretariateve të ndryshme në komunë të Tivarit. Një kohë ishte ndihmës ministër i Punëve të brendshme të Malit të Zi ndërkaq që nga viti 2012 ishte nënkryetar i Komunës së Tivarit.
Zëri