Të Shtundën, me 4 Prill 2015 me rastin e Ditës së Ulqinit, me iniciativën e kryetarit të kësaj komune, u shpallën ” Qytetar Nderi”, kryeministri i Shqipërisë Edi Rama dhe zv. kryeministri i Kosovës Hashim Thaçi.
Ndarja e mirënjohjeve,titujve të nderit, çmimeve dhe të dekoratave të tjera janë praktikë e shumë shoqërive demokratike  të cilat shpeshëshëherë nxisin edhe reagime të ndryshme në opinion. Gjithashtu, këto mirënjohje apo tituj nderi mbajnë në vehte përgjegjësi, detyrime dhe obligime për të gjithë ata  personalitete të cilat i pranojnë,posaçërisht liderët politik.
Shpallja ” Qytetar Nderi” të Ulqinit, e kryeministrit e Republikës së Shqipërisë, z. Edi Rama si dhe zv. kryeministrin e Republikës së Kosovës, z. Hashim Thaçi, u bë kyesisht nga respekti që udhëheqësit politik shqiptar jo vetëm nga Ulqini, por edhe nga trevat tjera etnike shqiptare në Mal të Zi,kanë për përfaqësuesët e shteteve të tyre amë,  dhe në përgjithësi, u mirëprit nga pjesa dërmuese e opinionit shqiptar.
Megjithate, unë mendoi se mirënjohja ndaj kryeministrit Rama  dhe  zv.kryeministrit Thaçi ,nga  kryetari i Komunës së Ulqinit, duhet të kuptohet njëheri, më shumë si motivim dhe detyrim i tyre që  :
1) Të angazhohen më tepër  me vepra konkrete dhe t’ju kushtojnë një vëmendje më serioze mbrojtjes së  të drejtave të shqiptarëve në Mal të Zi;
2) Të ushtrojnë auturitetetin e tyre dhe të ndikojnë  vazhdimisht tek qeveria e Malit të Zi në përmirësimin e statusit të shqiptarëve në aspektin politik, ekonomik, arsimor,kulturoro-gjuhësor dhe kombëtar;
3) Të ndërgjegjësojnë çështjen shqiptare në Mal të Zi ,si në opinionin e brendshëm ashtu edhe në opinionin e jashtëm .

Uroi kryministrin Rama dhe zv.kryeministrin Thaçi për marrjen e titullit
” Qytetar Nderi” të Ulqinit, por njëkohësisht  dëshiroi që mirënjohjen e marrur mos t’a mbyllin në sirtarët e tyre,por t’a mbajnë çdo herë në tavoliën e tyrë të punës,me qëllim që t’ju përkujtojë çdo ditë se një pjesë e popullit të tyre e cila jeton jashtë kufijëve administartiv të Shqipërisë dhe Kosovës,përkatësisht shqiptarët në Mal të Zi,kanë  nevojën e përhershëme për një përkujdesje dhe  përkrahje të fuqishme nga shtetet e tyre amë.

 

Xheladin Zeneli
6 Prill 2015