Sot në moshën 85 vjeçare ndroi jetë Ismail BUSHATI, njëra ndër figurat më markante të Kalasë së Ulqinit. Smajli ka qenë ndër punëtorët e parë të turizmit në Ulqin dhe pa dyshim ka lënë gjurmë të pashlyera. Së bashku me një plejadë punëtoresh turistik , të themë më mirë artistesh në hoteleri, siç kanë qenë Qazim Quku, Bim Kahari, Fadil Sula, Qemal Resulbegu dhe shumë të tjerë , kanë qenë të parët që kanë vendosur gurthemelet e hotelerisë te ne në Ulqin. Të gjith këto nuk jetojnë me. Por ne duhet ti nxjerrim nga harresa, sepse ato janë baza e fillimeve të turizmit tonë. Ata e kanë ngritur turizmin te ne në një nivel botëror dhe për këtë ne flasim për kohët e arta të turizmit tonë, deri te vitet e 90 të shekullit të kaluar.

Sot është ndar edhe Smajli nga jeta. Deri në çastet e fundit, ka mbetë, ashtu siç ka qenë gjithmonë i qeshur dhe i veshur në mënyrë elegante. Populli i ynë thotë se i ka pasur hije, dhe ka shërbyer si shembull çdokund. Deri në çastet e fundit është vërejtur, më mënyrën e ecurit, në tërë fizionominë e tij një elegancë e rallë e lindur. Prandaj, mungesa e Smajlit do të vërehet gjithmonë. Vendi dhe karriga në taracën e restorantit e tij, do të jetë e zbrastë, dhe pa dyshim këtë do ta vërejnë të gjithë ato, të cilët e kanë njohur këtë figur markante të Kalasë tonë.
Dua ta rikujtoj opinionin e gjërë edhe për një veprim të rallë e këtij Burri në kulm. Në vitin 1979, pas tërmetit katastrofal, gjatë qendrimit në ato kohë të vështira në Kala, së bashku me të ndjerin Jakup Nimanbegun, ka mbajtur flamurin e rezistencës për të qendruar në Kala. Ata janë të parët që kanë dhenë kontribut të madhë për revitalizimin dhe restaurimin e Kalasë , në kohën kurë intenca e shtetit komunist të asaj kohe ka qenë që të shpërngulen të gjithë banoret e Kalasë Gjeneratat e reja, të Kalasë dhe në përgjithësi të qytetit tonë, këtë nuk dhet ta harrojnë kurrë.