Nika: A ishte G. Haxhibeti, viktimë e guximit të tij profesional?!
Përgjigja : Ne themi se po?!
– Edhe Gëzimin si sekretar, tashti si duket, e hoqën sepse ai pati sukses dhe i mbrojti të gjitha lëndët e komunës, për dallim prej tjerëve që të gjitha i humbën.., kurse kjo dikë e nevrikosi….?!!!
Po të flasësh për sekretarët e mbrojtjes së pasurisë të komunës së Ulqinit, me të drejtë njerëzit deri vonë mund të shtronin pyetjen : Po sa borxhet i paska pasur kjo komunë dhe pyetja e dytë e radhës që imponohej mund të ishte : A ka ndonjë lëndë të cilën e fitoi komuna nga sekretari i saj?!!
Çështja këtyre ditëve sa vjen e bëhet edhe më aktuale , kur edhe kryetari i sa po emëruar Nazif Cungu- pohoi se korrupsioni është nga kërcënimet më të mëdha për komunën e Ulqinit.( Për ata që nuk e dinë kuptimin e fjalës…, popullorçe i bie të jetë – që me letra je në rregull , por hajnia bëhet)?!
E nëse është kështu, atëherë përsëri pyesim: Si e obligoi veten sekretari aktual komunal për mbrojtjen e pasurisë ?! Pyetja lind nga se dihet që sekretar i përmendur pritet të shkarkohet këtyre ditëve ..?! Është momenti për të rikujtuar se pas komunizmit ( 1990)e deri te emërimi i Haxhibetit , për sekretar , me sekretariatin e pasurisë kryesuan 4 sekretarë që ndërroheshin kohë pas kohe nga partitë. E këta ishin: Vera Markiq, Ramazan Muçaj, Sadik Pelinku dhe Shemso Hasadanaga. Më ë vonë u dëshmua edhe kjo se për punën e keqe të tyre u zhvilluan hetime të shumta dhe mbase vetëm njëri prej tyre mund të llogarisë që do shpëtojë- pa padi penale .
Ku dallon Haxhibeti si sekretar dhe përse po ndërrohet ?!!
Edhe pse në shkrimet e mija kam kritikuar shpesh herë punën e këtij sekretariati, personalisht mendoj që Haxhibeti, me gjithë atë – ra viktimë e luftës që ai bëri ndaj krimit të organizuar me profesionalizmin e vet duke zhveshur njëanshmërinë e gjykatave në dëm të komunës.
Një gjë po themi ,tashti për fund , që është fakt, se , kur këtij iu lanë duart e lira nga politika , pamë që ai për mrekulli shtyri për do kohë rrezikun e borxhit të “ K-1”. Në këtë rast, padia në dëm të komunës peshon diku rreth 10 milionë euro. Tjetër, këtij Iu pranuan ankesat në gjykatën e shkallës së dytë ku i fitoi të gjitha lëndët që kushtonin mbi 100mijë euro gjatë mandatit të vet.
Ndërsa kjo do të thotë se ai dikë “ të politikës…” e pengonte në punën e tij profesionale. Përflitet se sikur në parti të tij , të ishin dëgjuar sugjerimet e tija profesionale, mbase edhe ndonjë nga udhëheqësit e këtij subjekti , do të kishin shpëtuar sot nga burgu për punën që kryen dhe nuk do të kishin pasur arsye të kërkonin nga Filipi ” Pomillovanje..”?!!!
Ndërrimi i tij , sipas neve, pa dyshim që është një ogur i keq për mbarëvajtjen e pushtetit të ri kur është në pyetje mbrojtja e pasurisë dhe na bën të dyshojmë që ndërrimet bëhen për punë pazaresh …?!!
Pikëpamjet e shprehura në faqen “OPINIONE” nuk përfaqësojnë domosdoshmërisht politikën redaksionale të „Lajmeve nga Ulqini„