Rreth 250 euro u ka kushtuar shtetasve shqiptar të cilët po ktheheshin nga Franca dhe në automjetin e tyre kishin të stampuar flamurin kombëtar.

Ngjarja e pa zakontë ka ndodhur në qytetin bregdetar të Budvës. Sipas të përditshmes Vijesti, ka qenë ky vendimi i gjykatësit për vepra penale i cili e ka cilësuar si provokim ndaj turistëve flamurin e Shqipërisë të stampuar në automjetin e tyre.

Sipas kësaj të përditëshme, këta shtetas të cilët gjatë udhëtimit për në vendlindje nga kampionati eurpoian që po mbahet në Francë, janë ndalur në Budva. Dëshmitarët okular janë shprehur se në automjetin e tyre tip Golf, në pjesën e përparme të mjetit dhe në pjesën e bagazhit ka qenë i  stampuar flamuri i Shqipërisë.

Dhe se gjatë kalimit nëpër Budva ata kanë kënduar dhe kanë shkaktuar zhurmë. Pas njoftimit në policinë lokale të Budvës kjo e fundit ka ndaluar mjetin tip golf në të cilin ishin katër shtetas dhe kanë bërë shoqërimin e tyre për në Komisariatin e Budvas. Dhe pas urdhrit të policisë shtetasit shqiptar kanë hequr flamurin e stampuar në automjet. Dhe pas vendimit të Gjykatësit dhe kryerjes së pagesës janë larguar për në Shqipëri.

Lajmi i Fundit