Ulqin: Fillojnë punimet për pastrimin e kanalit të Braticës
Në Ulqin filloi pastrimi i kanalit të Braticës, me anë të të cilit do të evitohen përmbytjet në vendbanimet përreth.
Filluan punimet në pastrimin dhe zgjerimin e Kanalit të Braticës
Pas një bashkëpunimi të shkëlqyer me Komunën Kayl të Luxemburgut, u dakordua që Komuna Kayl e drejtuar nga Kryetari, z. John Lorent, të ndihmoj Komunën e Ulqinit me një vlerë monetare prej 25 mijë euro. Falë kësaj ndihmese, sot mundëm të çelim nisjen e realizimit të projektit për pastrimin e kanalit të Braticës dhe rregullimin e një prej zonave të banuara me popullatë rome. Pastrimi i këtij kanali do të bëjë që, gjatë dimrit, të minimizohen ndjeshëm vërshimet e këtij kanali që jo pak here kanë shaktuar dëme materiale për banorët e zones përreth.
Pas përgatitjeve të duhura filloi pastrami i Kanalit të Braticës.Në fakt kemi të bëjmë me një bashkëfinancim në mes të Komunës së Ulqinit dhe Komunës Kajl të Luksenburgut. Punimet në teren është duke i zhvilluar Np,,Veprimtaritë Komunale,, sipas elaboratit të hartuar nga Agjencioni për ndertim dhe zhvillim dhe ata kapin shifrën 20 mijë euro.
Lajmi për fillimin e punimeve ka qenë sihariq për banorët që jetojnë në afërsi të kanalit i cili për shkak të lidhjeve të egra jo rrallë bëhet shkak i permbytjeve dhe dëmeve të mëdha. Andaj Agjencioni për ndertim dhe zhvillim është në hartimin e projekteve konkrete që lidhjet e egra të instalohen ne kolektor dhe njëherë e përgjithmonë kjo ceshtje të marrë udhën e zgjidhjes.
Pritet që punimet të përfundojnë para shive të vjeshtes, dhe ndermarrja që po zhvillon punimet premton që cdo gjë do të përfundojnë në afatin e paraparë.