Nika: Në komunë merret vesh të ketë nisur vala e punësimeve të paligjshme të fushatës – reagon kryeadministratori Kapllamn Muça?!
Në shkresën e vet të dërguar Cungut , kryeadministratori që deri më tash heshte – duke mos e bërë “qefin qeder”, shohim të ketë cekur rreth punësimit të pa ligjshëm edhe këtë: “ ….Po ju njoftoj që kontratat e punës të cilat më janë dorëzuar nga sekretari … janë të lidhura në kundërshtim me ligjin për funksionarë dhe zyrtarë të komunës , pastaj me ligjin për financim të partive politike dhe të fushatave zgjedhore duke shkelur njëkohësisht gjithashtu edhe marrëveshjen e arritur për një fushatë “ fer “ e të ndershme….”
Duke i dorëzuar kontratat kontestuese të punës( 7 sosh- vërejtja jonë..?!!), ai i tha Cungut : Që kjo punë bëhet vetëm për qëllim që organi përkatës të ndërmarrë masat e duhura në evitim të pa ligjshmërive të cekura.
Metoda e blerjes së votave me kushtëzime punësimi, është tashmë një metodë e sprovuar e shantazhit të ndërsjellë të aktivisteve dhe partisë, e cila domosdo rrit familjarizimin në qeverisje duke e rrudhur atë në dorë të 3-4 familjeve që tashmë në Ulqin, po thuajse është punë e kryer. Duke jetësuar edhe te ne , atë thënien e Orvellit , se të gjithë janë të barabartë …, kurse disa janë më të barabartë se tjerët( këta që janë në pushtet dhe ata që punësohen)?!!!
Personalisht edhe do ta kisha kuptuar një veprim të këtillë partiak sikur të ishte fjala për ato doktorë shkence e magjistra , që me vite presin në byro për punësim të Ulqinit , por jo.
DPS dhe Forca – bashkë me gjithë partitë tjera, shihen të kenë krijuar një rreth të mbyllur , që injoron, largon …, duke mos lejuar që “ një të huaj..”, të futet brenda..?! Dhe për pasojë aktualisht shohim që partitë po prekin fundin e mundshëm të injorancës intelektuale edhe pse në formë, për opinion mundohen të simulojnë me gojën plotë intelektualizëm dhe profesionalizëm ..?!!
Sudski tumač- Përkthyes gjyqësor “ MUHAMET NIKA ” Ulcinj- Ulqin
Adresa: zgrada SO ULCINJ- ndërtesa e KK Ulqin
Telefon-i: 068 264 122
Email-i : muhamet-nika@hotmail.com
Albanski jezik- prof. Albanskog jezika
Gjuhë shqipe- prof. I gjuhës shqipe
Pikëpamjet e shprehura në faqen “OPINIONE” nuk përfaqësojnë domosdoshmërisht politikën redaksionale të „Lajmeve nga Ulqini„