Nika: Çfarë më panë sytë dhe më dygjuan veshët në polici…?!
Pasi më kishin skaduar afatet e dokumenteve personale para do kohëve u drejtova në sportelin përkatës në polici për të rejat dhe aty duke pritur radhën, pashë e dëgjova se si punonjësja e policisë- një serbo malazeze, në mënyrën sa më të kulturuar e qytetëruar , që ishte e mundur pashë t’i drejtohej një pale shqiptare që aplikonte …, me fjalët: “ Zotëri , në cilën gjuhë e doni të shkruar emrin dhe mbiemrin në dokument , shqip apo malazeze..”?!
Kurse për çudi- pala pa u hamendur fare iu përgjigj, jo mos ma shkruani shqip…?!!
Dhe kur shikimi i tij, në çast, iu kryqëzua me timin e pasi i dhashë një shikim qortues dhe të habitshëm…, ai për tu nxjerrë nga situata– pa e pyetur u shpreh: Jo se a e di si është puna, unë e kap emrin Lanush dhe po e shkrova shqip, kompjuteri ma shkruan LAPUSH …?!
E thashë me vete : Çfarë lapushash , ma toka e duron Ulqini…?!
Gjynah Bardhi dhe Milloja..?!
Mbaj mend sa për të sqaruar këtë çështje, që M.Bardhi në çdo takim të cilin e kish me qeveritarë , por edhe me Millon…, ankohej se atij nuk po ia shkruanin dhe shqiptonin si duhet emrin dhe mbiemrin shqip ..?!Dhe se ai edhe në letër njoftimi- Nuk i shkruan Bardhi…, por Bardi..?! Kurse Milloja , nga këndi i tij thonë se arsyetohej; “ A što ću mu ja kad naša azbuka ne ma to sllovo- kako da izgovorim- Dhe çfarë do tash ai, në qoftë se alfabeti jonë nuk e ka këtë shkronjë – Si ta shkruaj e shqiptoj..“. Por në fund prapë këta të dy- me sa duket – ranë në ujdi dhe e gjetën zgjidhjen.
Po kujt hynë në punë kjo , e aq më tepër kur Bardhi shkoi në pension dhe tjerët bëhen gati të shkojnë…?!
Shpresa vdes e fundit…?!
Mos e besoni po deshët, por kur iu hodha syrin listave zgjedhore që konkurruan në zgjedhje, u gëzova për të mirë, pasi pashë se kandidatët për këshilltarë nga lista e DPS-it, emrin dhe mbiemrin ( me ndonjë përjashtim) e kishin të shkruar shqip, kurse këto në listat nacionale , disa (mu duk shumica), emrat dhe mbiemrat i kishin lënë si dikur në kohën e gjyshërve të vet – pa i ndërruar fare, ashtu si kur votohej partia serbe e kryeministrit Pashiq…?!! O nëna ime dhe nën… e tyre…, po si nuk na mbajti të thërrasim asnjëherë – Poshtë Pashiqi…, me këto mbiemra e nga ky soj…?!!