Nika: Zoti Gjeka mos e harroni edhe ju rrugën për Rashtishë nalt ?!
Shkruan Muhamet Nika
Arsyetohen se :” 3 herë kishin qenë në Rashtishë, por rruga nuk e zinte kamionin “?! HAHAHAHA….?!!!!
Në ankesën publike të Gjekës dërguar Cungut rreth pengimit të investimeve në komunë të Ulqinit, pamë që ai të ankohej përveç tjerash ,me fjalët:”Zyra e Presidentit dhe Sekretariati për veprimtari komunale pengojnë realizimin e disa projekteve të rëndësishme në zonat rurale të tilla si ndërtimi i urës në Millë të Poshtme dhe rindërtimin e rrugëve lokale në bashkësinë lokale të Krythës dhe në Kravar”.
Me sa shohim këtu nuk pamë të përmendet Rashtisha e Sipërme , qytetarët e të cilës tash disa herë radhazi ndër vite i drejtohen sekretariatit përkatës me kërkesë për asfaltim të rrugës së vet , por më kot.
Kjo ngjau kështu edhe me buxhetin e vitit 2017 – kur sekretariati përkatës në kuvend dhe as këshilltarët e tij nuk dhanë vërejtje për këtë.
Ata në kërkesën e vet arsyetojnë që më herët mbi një kilometër rrugë me mjete të veta dhe të diasporës së fshatit nga Amerika , patën asfaltuar rrugën e këtillë sepse pushteti i lidhjes – Skender Hoxha, iu kish refuzuar kërkesën për asfaltim edhe sipas parimit të paligjshëm të atëhershëm në kuptimin 50% të mjeteve – qytetarët dhe 50% komuna (republika) .
Për çudi atëherë, patën përparësi( ashtu si sot) do rrugë ,rrugica e oborret tjera dhe kështu pjesa e dytë e rrugës së cekur , në mungesë të mjeteve mbet e pa kryer…?!!